capote

Tayon-bodje latén « caput » (tiesse, paski les prumirès capotes avén todi ene cabounete); u bodje occitan «capa» (chabrake) avou l’ cawete « -ote » (dandjreus pal voye do francès).

• AFE :
  • prononçaedje zero-cnoxheu : /ka.ˈpɔt/ (minme prononçaedje pattavå)
• Ricepeures : ca·pote

capote femrin

1. (mot d’ mousseure) gros pezant paltot d' plouve (sins mantches) des sôdårs, des maréns, evnd.
   • Cwand dji dvreu vinde mi capote
     Mafwè, dji n' mi djinnreu nén. — François Barillié, divins Li camarad′ dè l'joie, 1852 (fråze rifondowe).
   • Aprestez-m’ mi tchapea et m’ capote di noer drap, savoz, m’ feye ! — Henri Simon, « Li bleû-bîhe » 1886, (eplaidaedje da Jean Haust e 1936), p.18 (fråze rifondowe).
   • Bernalmont, oficî d’ dragons, li hatrea rafûlé d’ ene grosse echerpe, et moussî d’ ene capote, a dmoré dilé l’ ouxh tot-z oyant djåzer Bodson. — Joseph Mignolet, « Al Bèle Fontinne », comèdèye di treûs akes, 1924, p.8 (fråze rifondowe).
   • Vosse mannete capote diveut esse pezante di crouweur — Odile Uyttebrouck (fråze rifondowe).
2. (mot d’ cwårdjeu) ramassaedje di tos les pleus.
   • Dijh ût et ût, vint-shijh. Catoize di hasse, cint et dijh, et on roy, capote. — Henri Simon, « Li Neûre Poye » 1889, (eplaidaedje da Jean Haust di 1936), p.75 (fråze rifondowe).
3. (sessouwalité) (mot d’ medcén) pitite tete di plastike k' on mete sol vé divant ene rilåcion, po n' pont aveur d' efants.
   • T' es grosse! I n' aveut nén metou d' capote? — Christian Thirion (fråze rifondowe).
   • Avou ene feme, ci n’ est nén pask’ on mete ene capote k’ on-z est totafwait seur. — Paul-Henri Thomsin, ratourtnant Tchantchès, c'èst po rîre, 2023, p.32 (fråze rifondowe).

1. fé capote

capote inglesse

• (mousmint): caban, paltot
• (ahesse a mete sol vé po n' pont aveur d' efants): cabounete

• (mousmint): chabrake

Pol sinse e francès do toet d' toele des oto discapotåves, on sieve putchî li vî mot «shofla»; pol cwefe di stofe des comeres, on dvreut purade sitinde li sinse di «hålete».

• Lijhoz l’ årtike capote (discramiaedje) so Wikipedia
• Lijhoz l’ årtike capote inglesse so Wikipedia

capote femrin

1. capote (mot scrît e francès come e walon, mins k' a des sinses diferins).