Ridjhaedje d' ene fråze d' oteur

Ridire ene fråze d' oteur (on dit eto: «mete ene citåcion»), c' est cwand on scrijheu va rmete, dins on tecse da sinne, ene fråze d' èn ôte oteur, tot bén marcant da kî k' c' est.

Dins les tecses walons, les ridjhaedjes di fråzes vegnnut cobén di des scrijheus e francès.

Eugène Gillain eployive voltî cisse piceure la dins ses scrîts. Mins i n' citéve nén todi li no do scrijheu.

Li cokmwår

Abeye li cocmwår å fè

Po fé do bon cafè.^[1]

Oyi, mins po fé do bon cafè, i fåt ôte tchôze ki l' cocmwår: sins l' molén et sins l' rampono, pont d' bon cafè a-z awè. Et ça m' fwait sondjî al fåve da Lafontinne "Les membres et l' estomac".^[2]

Li veye do monde

On entre on crie

Et c'est la vie.

On crie on sort

Et c'est la mort.

C' est ene sacwè d' drole, tolminme, li veye do monde. On creye e-z intrant; on creye e sôrtixhant. Mins etur les deus criyaedjes, etur li lever do ridea et l' fén do dierin ake, come i s' fåt cotaper !^[3]

1. ↑ citåcion del tchanson Å cafè da Charles Wérotte)
2. ↑ Sovnances d' on vî gamén (prôzes), p. 71
3. ↑ minme live, p. 96