Glaireuse

Glaireuse (k' est scrît sifwaitmint e francès), c' esteut on hamtea d' Viyance, asteure on viyaedje do Grand Libin.

C' est ddja on gros hamea, la k' gn a-st ene eglijhe. Ele n' a stî fwaite ki sol tård. Did la, li tchanson des vepes di Glaireuse.

• Lomaedje et spotaedje des djins :
  • Lomaedje : Glaireuzî, Glaireuzire^[1]
  • Sipotaedje : les Schaerbotes (la-minme, les Scarbotes)

• Rime-rame : A Our, li diåle î court; a Maissin, on l' ratind; a Anloe, on l' fote sol toet; a Glaireuse, on lyi fote del tchenveuse (la-minme : a Glêreûse, on lî fout dul tchenveuse); a Viyance, on lyi fote so s' panse; a Transene, on lyi fote so s' schene; a Smu, on lyi fote so s' cou et ås Libins, on l' pind.

I sont studyîs spepieuzmint so ene pådje tote seule.

L' aiwe di Lesse fwait limotche avou Anloe.

So li dzeu do viyaedje, gn a des troufreyes (li minme sitindêye ki les cenes di Libin et d' Ôtchamp), la k' on-z a saetchî al troufe disk' al guere di 40^[2]

Li 22 d' awousse 1914 (batreye di Maissin del guere 14-18), gn a yeu des måjhons d' broûlêyes pås Almands, et des djins d' touwêyes.

C' est la k' on-z a rashonné les prijhnîs d' Anloe et d' ôte pårt li 23, divant d' les fé saetchî les tcheretes ås coixhîs disk' a Libråmont.^[3]

I gn a so les cmons Wikipedia des imådjes ou fitchîs son a vey avou Glaireuse .

1. ↑ cawete -î (noûmot do walon, atåvlé e 2015).
2. ↑ Lucien Mahin, Ene båke, p. 177.
3. ↑ Ernest Benoit, Bokets tchoezis (prôzes), p. 83-85.