Bicicleta

La bisicreta o bisicleta(de frecuente anca scrivesto bicicleta e scursà in biga) el ze un veìcuło asionà da ła forsa muscołare umana dei arti inferiori, fato da un tełaro al cuało łe ze vincołae do rode inłineae e dotà de un sistema mecànego de trasmision de ła potensa fìzega zenerada a ła roda motora. Dal lato tècnego e normativo, in Itàlia ła bisicleta ła entra inte ła pì granda categoria dei vełocìpedi.^[1]

La bisicleta ła nase in Fransa inte el 1791, ano inte el cuało Mède de Sivrac el projeta e el costruise el so "cełerìfaro".^[2] Inte el 1817, un cuarto de secoło pì tardi, Karl Drais el ga inventà ła so Laufmachine (in todesco, màchina da corsa) seventemente ciamada da ła stanpa "draizina". Inte el 1861 Ernest Michaux el ga montà su na draizina i primi pedałi fisàndołi al perno de ła roda anteriore.^[3]

El tèrmeno bisicleta el ze nasesto in Fransa sol całar dei ani 1860 e el ga renpiasà el tèrmeno vełocìpedo dal modeło de ła High Bicycle in dopo . El bisiclo el zera sta tanto popołar fin ai ani otanta del XIX sècoło. El sistema de ła trasmision del moto zenerà dai pedałi el ze sta ojeto de grandi studi fin co che, prima del finir del sècoło, el problema de ła trasmision del moto el se ga resolvesto ligando i pedałi a na roda dentada conetesta a na cadena; sta sołusion tècnega ła consente de sbasar ła dimension de ła roda anteriore.^[3] Inte el 1884 John K. Starley el ghea fato a Coventry ła prima Safety Bicycle ("bisicleta de seguresa") denomenada "Rover" e destinada ver grado suceso comerciałe: antezignana de łe moderne bisicrete, ła gaveva rode de dimension conpagne e trasmision de cadena so ła roda posteriora.^[4]

De sevente ghe ze sta altri progresi tecnolòzeghi. Inte el 1888 Dunlop el ghea montà su de un trisiclo el primo pneumàtego de càmara d'ària.^[3] Inte i primi ani del novezento ghe zera sta el sviłupo de łe prime conpetision sportive cofà el Tour de France (1903) e inte el 1909 el primo Giro d'Italia.^[3]

• 
  Evolvimento de ła bisicreta
• 
  Draizina
• 
  Bisiclo
• 
  Bisicreta fine '800
• 
  Bisicleta par siora de fin '800
• 
  Bisicleta moderna de scumìsio '900

Inte el corso de ła so longa stòria i zera stai tanti i tentativi de introdùzare variasion inte ła strutura de ła bisicleta, sia par ver na mejo efisensa vedesti i progresi sientìfeghi, de ła biomecànega inte el particułare, sia par esperimenti de design, ma no-stante tuto ła strutura zenerałe de ła bisicleta ła połe ormai èsarse considerada fisada e ła catemo imutada in tuti i so tanti tipi.

• Tełaro
• Sistema de trasmision a corona-pignon
• Sterso
• Rote: Dotae de raji da ła testa al ser-cion par darghe el vìncoło co ła testa o ase de ła roda e in nùmaro e spesor tałe da ciapare na duresa cusi da èsar bon de oponerse a łe deformasion da sołesitùdeni mecàneghe del teren e ła torsion par efeto de ła rodasion de l'ase.
• Inpianto frenante: połe èsare de vari tipi e conportarse de vària magnera: el połe azir so ła roba (a disco o a tanburo) o sui ser-cioni (a bacheta, cantiłever, freni a V, .. ). I comandi dei freni i ze normalmente sol mànego.
• Seła: el condutor el viaja in pozision sentada so na seła, de forma pròsema al triangołare, ponesta lejermente pì indrio in contronto a ła vertegałe del movimento sentrałe e ligada al tełaro co un tubo dizesto tegniseła.

• 
  Tełaro
• 
  Fórcołe
• 
  Ase de trasmision al posto de ła cadena
• 
  Conponenti de un sistema de trasion bisiclete modeło RohloffSpeedhub 500/14.
• 
  Fren a disco per bisicrete
• 
  Freno a V
• 
  Derajador posterioro
• 
  Paco pignoni SRAM
• 
  Caena

1. ↑ Art. 50. Velocipediaci.it. .
2. ↑ La bisicleta l'è nasesta do secołi fa, Cuatrorode, apriłe 1973, pag.168
3. ↑ ^{3,0 3,1 3,2 3,3} storia della biciclettaerewhon.ticonuno.it (archivià dal URL orizenałe il 9 dicembre 2015 Il valore del parametro dataarchivio non combacia con la data decodificata dall'URL: 9 de disenbre 2015 (juto)).
4. ↑ Rover safety bicycle, 1885, makingthemodernworld.org.uk.

• Wikimedia Commons el detien imàjini o altri file so bicicleta
• Scholia el detien schemi gràfeghi so Bicicleta

• (IT, DE, FR) Bicicletahls-dhs-dss.ch, Disionàrio stòrego de ła Svìsara.
• (EN) Frank J. Berto, bicycleEnçiclopedia Britannica, Encyclopædia Britannica, Inc.