ISBN

El còdaze ISBN (da l'ingleze International Standard Book Nunber, "nùmaro de refarimento internasionałe del libro") ła ze na secuensa numèrega de 13 sifre doparada internasionalmente par ła clasifegasion dei libri (ła ze oncora doparada anca ła codìfega antesedente del 2007, costituia da un nùmaro de sifre paro a 10, inte el cuało l'ùltema sifra ła połe eventualmente contegnere ła létara majùscoła X). El ze definio da un stàndar de l'ISO, derivà da ła codìfega SBN ingleze del 1967. Siben no obligatòrio, el so dòparo parò el ze deso devegnesto esensiałe par l'imision del libro inte i canałi de ła granda destribusion.

Ogni còdaze ISBN el identìfega in magnera unìvoga ogni spesìfega edision de un libro (no parò łe sénpleghe restanpe, che łe mantegne l'isteso còdaze de l'edision a łe cuałe łe se refarise) e, na volta insegnà, no el połe pì vegner redoparà par altre produsion letaràrie.

Ghe ze anca anàłoghi còdazi numèreghi par ła clasifegasion de publegasion periòdeghe cofà i cuotidiani o łe reviste (l'ISSN) e par i spartii muzegałi (l'ISMN).

• Wikimedia Commons el detien imàjini o altri file so ISBN
• Wikispecies el detien informasion so ISBN
• Scholia el detien schemi gràfeghi so ISBN

• ISBNTreccani.it – Enciclopedie on line, Istituto de ła Ençiclopedia Italiana.
• ISBNsapere.it, De Agostini.
• (EN) International Standard Book NumberEnçiclopedia Britannica, Encyclopædia Britannica, Inc.