Golfo de Trieste

Golfo de Trieste

Sorte	Baja
Parte de	Golfo de Venesia
Liogo
Nasion rivaresca	Itàłia
Rejon aministrativa	Trieste (Itàlia)
Formà da	golfo di Capodistria (it)
Dati e sifre
Prodondità	37 m

El golfo de Trieste el xe na całanca del Mar Adriatico, conprexa intra l'ixoła de Grao (Itàlia) e Ponta Salvore (Croasia), arente de Piran (Slovenia).

El golfo se slonga par sirca 550 km² co fondità mèdia de 16 m e masima de sirca 37 m, che raxonxe dae bande de Piran. L'inbocaùra xe granda 21 km. La costa ga fondałi basi e sabiosi inte el trato osidentałe, caraterixà da ła presenxa de numeroxe tresse, mentre el resto de ła riva, dai sbòchi del Timavo fin in avanti, xe in prevałensa erto èrto e rocioxo in cuanto el se cata a ridoso de l'altopian del Carso. Inte el tòco itàlia sbòca i fiumi Isonso e Timavo, in queło sloven i fiumi Risano e Dragogna, sto ultimo al confin coea Croasia.

El golfo de Trieste xe el golfo più setentrional del mondo indove ghe xe un clima de tipo mediteraneo.

Ła sità de Trieste se cata inte ła parte più interna e orientałe, i altri sentri urbani riłevanti che se afassa sul Golfo xe Monfalcon, Duino e Muja in Itàlia, Caodistria, Isoła d'Istria e Piran in Slovenia.

Sul Golfo se afasa anca le riserve naturałi regionałi de ła Vałe Cravanata, del sbòco de l'Isonso e de łe Fałesie de Duino nonchè la Riserva naturałe de Miramar in Itałia, la riserva natural de Strugnano, le aree marine protete de Punta Madonna e Punta Grossa e el parco natural de łe sałine de Sicciole in Slovenia.

• Golfo de Venesia
• Veneto

• Wikimedia Commons el detien imàjini o altri file so Golfo de Trieste
• Scholia el detien schemi gràfeghi so Golfo de Trieste