خیرآباد کنڈ ریلوے اسٹیشن

خیرآباد کنڈ ریلوے اسٹیشن Khairabad Kund Railway Station
محل وقوع	خیرآباد کنڈ
مالک	وزارت ريلوے
لائن(لائنیں)	کراچی–پشاور ریلوے لائن
دیگر معلومات
اسٹیشن کوڈ	KBD
خدمات
پچھلا اسٹیشن پاکستان ریلوے اگلا اسٹیشن اٹک خورد بطرف کیماڑی کراچی-پشاور لائن جہانگیرہ روڈ بطرف پشاور چھاؤنی

خیرآباد کنڈ ریلوے اسٹیشن پاکستان میں واقع ہے۔ یہ کراچی–پشاور ریلوے لائن پر واقع پشاور کی طرف جاتے ہوئے صوبہ خیبر پختونخوا کا پہلا اسٹیشن ہے۔

پاکستان کے صوبہ پنجاب کے آخری سرحدی ضلع اٹک کے قصبہ اٹک خورد اور خیبر پختونخوا کے ضلع نوشہرہ کے قصبہ خیرآباد کنڈ کے درمیان دریائے سندھ پر سلطنت برطانیہ کا تعمیر کردہ ایک شاہکار آہنی پل جس کا خاکہ سر گلفورڈ لنڈسے مولسورتھ (1925-1828) نے تیار کیا۔ اور جسے 1880ء میں ایک برطانوی جہازراں اور انجینئری کمپنی ویسٹ وڈ بائیلی نے تعمیر کیا۔اس وقت اس پر 32 لاکھ روپے سے زائد کی لاگت آئی۔ 24 مئی 1883ء کو اسے عام استعمال کے لیے کھول دیا گیا۔1926ء سے 1929ء کے دوران 25 لاکھ روپے کی لاگت سے اسے مزید بہتر کیا گیا اس بار اس پر سر فرانسس نے کام کیا۔ یہ پل اپنی تعمیر کے لحاظ سے خطے میں منفرد حیثیت رکھتا ہے، اس کے دو حصے ہیں اوپر والے سے ریل گاڑی اور اور نیچے والے حصے سے موٹر گاڑیاں گذرتی ہیں۔ اس کے دونوں سروں پر مضبوط آہنی گیٹ لگے تھے جو کبھی رات کو بند کر دیے جاتے اور صبح کھولے جاتے تھے۔ ایک زمانے تک یہ پل جرنیلی سڑک ( جی ٹی روڈ) کا حصہ رہا جو 1979ء میں ایک نئے پل کی تعمیر کے ساتھ اٹک خورد سے براہ راست خیرآباد کی طرف نکل گئی۔ اس پہلے یہ اکبر کے قلعہ اٹک بنارس کے ساتھ گھومتی اکبر ہی کے بسائے قصبے ملاحی ٹولہ سے گذرتی پرانے پل کی طرف جاتی تھی۔

عرف عام میں اسے اٹک کا پرانا پل کہا جاتا ہے۔ایک سو تیس برس سے زائد گذر جانے کے باوجود یہ پل اسی طرح ریل گاڑی اور موٹروں کو دریا پار کروا رہا ہے جیسے کل ہی بنا ہو اور آج کے حکمرانوں اور انجینئروں کو دعوت فکر دے رہا ہے۔

پاکستان ریلویز کی سرکاری ویب سائٹ کے مطابق خیرآباد کنڈ ریلوے اسٹیشن کا کوڈ KBD ہے

اس وقت یہ اسٹیشن پاکستان ریلویز کے استعمال میں ہے ۔

خیرآباد کنڈ ریلوے اسٹیشن خیرآباد کنڈ میں واقع ہے

• 
  خیر آباد کنڈ کے ریلوے ٹنل
• 
  خیر آباد کنڈ کے ریلوے ٹنل
• 
  خیر آباد کنڈ کے ریلوے ٹنل

• پاکستان ریلویز
• ریلوے اسٹیشن

• پاکستان ریلوے کی ویب گاہآرکائیو شدہ (Date missing) بذریعہ pakrail.gov.pk (Error: unknown archive URL)