تغلق خاندان

تغلق سلطنت Tughlaq Sultanate [1]تغلق شاهیان یا [2]تغلقیه
1320–1414
دلی کا خاندان تغلق
دار الحکومت	دلی
عمومی زبانیں	فارسی (سرکاری)[3]
مذہب	اہل سنت
حکومت	سلطنت
سلطان
• 1321–1325	سلطان غیاث الدین تغلق شاہ
• 1393–1394	سلطان ناصر الدین محمود شاہ تغلق
تاریخ
•	1320
•	1414
رقبہ
3,200,000 کلومیٹر2 (1,200,000 مربع میل)
ماقبل مابعد yesha dynasty خسرو خان برصغیر
موجودہ حصہ	بھارت  نیپال  پاکستان  بنگلادیش

ہندوستان میں خلجی خاندان کے بعد سلطان غیاث الدین تغلق نے دہلی پر تغلق خاندان کی حکومت قائم کی۔ یہ خاندان 1413ء تک حکمران رہا۔ اور اس کے بعد سید خاندان بر سر اقتدار آیا۔

تغلق خاندان کے دو بادشاہ زیادہ نامور ہوئے ہیں۔ سلطان محمد عادل بن تغلق شاہ ایک سخت گیر حاکم تھے۔ متعصب مؤرخوں نے اس کو پاگل کہا ہے مگر یہ درست نہیں- اس نے چند غلط اور ناممکن العمل اقدام ضرور کیے- مثلاً پایۂ تخت دہلی سے دولت آباد منتقل کیا- خراسان اور چین پر ناکام حملہ کیا۔ اسكے تعلق سے اكثر باتيں تعصب بر مبنى اور بے بنياد ہيں.

سلطان محمد عادل بن تغلق شاہ ‎کے زمانے میں مشہور عرب سیاح ابن بطوطہ ہندوستان آیا۔ اور نو برس یہاں رہا۔

سلطان فیروز شاہ تغلق اس خاندان کا سب سے ممتاز بادشاہ گذرا ہے، جو بہت دیندار اور منصف مزاج تھا۔ تمام زندگی رفاہ عامہ کے کاموں اور علم کی ترویج و ترقی میں کوشاں رہا۔ بے شمار ہسپتال، مساجد، یتیم خانے، سرائیں اور مدارس قائم کیے۔ بے کاری کو دور کرنے کی خاطر دریاؤں پر پل بند ہوا کر ملک میں نہریں کھدوائیں تاکہ زراعت بڑھے۔ اور عوام خوش حال ہوں۔ سخت سزائیں، منسوخ کر دیں۔ سلطان فیروز شاہ تغلق کے بعد خاندان تغلق کا زوال شروع ہوا اور 1398ء میں امیر تیمور بیگ گورکانی نے رہی سہی طاقت کا خاتمہ کر دیا۔ تیمور جاتے وقت سید خضر خان ابن ملک سلیمان کو نائب بنا کر چھوڑ گیا۔ گو آخری بادشاہ سلطان ناصر الدین محمود شاہ تغلق ‎نے جلد ہی دہلی پر دوبارہ قبضہ کر لیا، لیکن 1413ء میں اس کی وفات کے بعد تغلق خاندان کا بالکل خاتمہ ہو گیا۔ تغلق عہد کی ایک قابل قدر خصوصیت یہ ہے کہ دکنی زبان پر شمالی ہند کی زبان کا مستقل اور نمایاں اثر اسی دور میں ہوا۔

• دہلی سلطنت دو حصوں میں بٹ گیاـ ایک مشرقی حصہ جو سنتری رنگ کے خانے میں واضع کیا گیا ہے اور اس کا دار الحکومت فیروزآباد تھاـ
  • دوسرا مغربی حصہ جو پیلے رنگ کے خانے میں واضع کیا گیا ہے اور اس کا دار الحکومت دہلی تھاـ

ویکی ذخائر پر تغلق خاندان سے متعلق سمعی و بصری مواد ملاحظہ کریں۔