Wana klwaan Taywan niqan ka brqni nii, msadu wasaw qhuni nii u mhru ckcka mi llbu hari knbrawan dwiyaq, karac krpuxan mi misan u mhiyi, msadu ka wasaw na u kiya mhhur da, karac srnabaw mi rbawan u kiya mtasul, mphpah mi mhiyi da u, malu bey sknxan mi skmalu bey hiyi uqun ka hiyi na .

　　Uxay ou bay ka hiyi brqni nii, sburaw ka rhiq hiyi na ciida da , sngkkingal mhhur dxral ka hiyi na da, kiya saan lmamu sediq mi ccamac da. alaw mkray ka hiyi na, sediq u saan dha muduh truma rqda tnhuwan dha, kiya mhada da u mangal ttingan mi ttingun dha han, kiya qqurung dha mangal mi uqun dha ka hiyi na da; so bbrihuc, rprapic, ppada,　bboyak, mmiric, rrungay….dnii, asi qiyuc mi mangal ttingun dha tmuting mi qmeyruq mkan hiyi na ka dhiya da.

　　Rhuq na u brqni nii u smluun qqiya sapah, ngalan dha qhuni thuun dha uri, kiya ka cida wasaw, rhiq hiyi mi rhiq qhuni na, smluun dha rakaw mqalux.