Mandaluyong

Mandaluyong ᜋᜈ᜔ᜇᜎᜓᜌᜓᜅ᜔ Lungsod ng Mandaluyong
Mataas na urbanisadong lungsod
Tanawin ng Mandaluyong.
Sagisag
Mapa ng Kalakhang Maynila na nagpapakita ang lokasyon ng Mandaluyong
Mandaluyong Lokasyon sa Pilipinas
Mga koordinado: 14°35′N 121°02′E / 14.58°N 121.03°E / 14.58; 121.03
Bansa	Pilipinas
Rehiyon	Pambansang Punong Rehiyon (NCR)
Distrito	— 1380500000
Mga barangay	27 (alamin)
Pagkatatag	1841
Ganap na Lungsod	9 Pebrero 1994
Pamahalaan
• Punong Lungsod	Carmelita A. Abalos
• Pangalawang Punong Lungsod	Antonio D. Suva Jr.
• Manghalalal	232,492 botante (2022)
Lawak  [1]
• Kabuuan	9.29 km2 (3.59 milya kuwadrado)
Populasyon  (Senso ng 2020)
• Kabuuan	425,758
• Kapal	46,000/km2 (120,000/milya kuwadrado)
• Kabahayan	116,954
Ekonomiya
• Kaurian ng kita	ika-1 klase ng kita ng lungsod
• Antas ng kahirapan	0.40% (2021)[2]
• Kita	₱6,226,450,101.93 (2022)
• Aset	₱31,935,025,023.65 (2022)
• Pananagutan	₱4,442,312,275.22 (2022)
• Paggasta	₱5,637,802,753.88 (2022)
Sona ng oras	UTC+8 (PST)
PSGC	1380500000
Kodigong pantawag	02
Uri ng klima	Tropikal na monsoon na klima
Mga wika	wikang Tagalog
Websayt	mandaluyong.gov.ph

Ang Mandaluyong ay isang lungsod ng Kalakhang Maynila sa Pilipinas. Pinalilibutan ito ng ilang lungsod tulad ng Maynila, ang kabisera ng bansa na nasa kanluran, ang lungsod ng San Juan sa hilaga, ang lungsod Quezon at lungsod ng Pasig sa silangan, at ang Lungsod ng Makati sa timog. Binansagan ang lungsod bilang "Sawang lungsod ng Pilipinas", "Puso ng Kalakhang Manila", at ang "Isang Kabisera ng mga matitinong Gobyernong di nagsasalubong sa Pilipinas". Ayon sa senso ng 2020, ito ay may populasyon na 425,758 sa may 116,954 na kabahayan.

Matatagpuan ang lungsod ng Mandaluyong sa puso ng kalakhang Maynila. Kabilang sa maraming atraksiyon ng lungsod ang kalahating parte ng lundayang Ortigas, isa sa mga pangunahing sentro ng negosyo at komersyo sa kalungsuran (nasa lungsod ng Pasig ang natitirang hati). Matatagpuan sa lundayang Ortigas ang pangunahing punong-tanggapan ng Asian Development Bank at ang punong tanggapan ng San Miguel Corporation, ang pinakamalaking korporasyon ng bansa. Matatagpuan dito ang Dave Vergel B. Castro & Associates, isa sa pinakapinagkakatiwalaang Engineering Firm sa bansa, SM Megamall, isa sa pinakamalaking shopping mall sa bansa pati na rin ang Shangri-la Plaza Mall at Star Mall. Sa silangan ng Ortigas Center matatagpuan ang Wack-Wack Golf and Country Club, sa hilaga nito matatagpuan ang La Salle Greenhills, isang tanyag na mataas na paaralang panlalaki. Ang estasyon ng MRT sa bulebard ng Shaw na itinuturing din isang mall, maliban na pagiging estasyon, ay nagdurugtong ng tatlo pang mga mall (Star Mall, Shangri-La Plaza, at ang EDSA Central).

Sa mga nakatira dito, ang lungsod ng Mandaluyong ay laging ginagamit sa mga biro tungkol sa pag-iisip ng isang tao (halimbawa: ang isang tao na may kahinahinalang katayuan ng pag-iisip ay mula sa Mandaluyong). Ito ay marahil ang National Center for Mental Health (Pambansang Senter ng Kalusugan ng Pag-iisip) ay matatagpuan sa lungsod. Matatagpuan din sa Mandaluyong ang "Welfareville", isang malaking pook kung saan laganap ang kahirapan.

Nagmula ang pangalan ng Lungsod ng Mandaluyong sa salitang Tagalog na mga daluy. Ito ay batay sa maraming matatangkad na damo na dating tumutubo dito, ang mga damo ay parang dumadaloy sa hangin na ang ibig sabihin ay sentro ng kalakalan na inihalintulad sa produksiyon ng pinaka produkto ng palitan.

Ang Mandaluyong ay nahahati sa 27 na baranggay.

• Ang opisyal na homepage ng Pamahalaang Panlungsod ng Mandaluyong (sa wikang Ingles) Naka-arkibo 2011-10-25 sa Wayback Machine.
• Mandaluyong.info - Mandaluyong City Aggregated News and Information (sa wikang Ingles) Naka-arkibo 2006-09-01 sa Wayback Machine.