Black Canary

Si Black Canary ay pangalan ng dalawang kathang-isip na superheroine na lumalabas sa Amerikanong komiks na nilalathala ng DC Comics: sina Dinah Drake at Dinah Laurel Lance kasama ang ni-reboot na sama-samang bersyon sa loob ng The New 52. Nilikha ang orihinal na bersyon ng pangkat na manunulat-tagaguhit nina Robert Kanigher at Carmine Infantino, unang lumabas ang karakter sa Flash Comics #86 (Agosto 1947).^[1] Isa sa mga pinakaunang mga superheroine, lumabas ang pamagat na Black Canary sa maraming flagship na tambalan ng kompanya kabilang ang Justice Society of America at Justice League of America. Simula pa noong huling bahagi ng dekada 1960, naitambal ang karakter sa arkerong superhero na si Green Arrow, sa parehong propesyunal at romantikal.

Nagkaroon ng iba't ibang adaptasyon si Black Canary. Sa seryeng pantelebisyon na Birds of Prey, ginampanan siya ni Rachel Skarsten, at sa Smallville, ginampanan siya ni Alaina Huffman. Sa Arrow at sa ibang palabas ng Arrowverse, ang mga karakter na Dinah Laurel Lance, Sara Lance at Dinah Drake ay ginampanan nina Katie Cassidy, Caity Lotz at Juliana Harkavy. Unang lumabas sa pelikula si Dinah Lance sa pelikula ng DC Extended Universe na Birds of Prey, na ginampanan ni Jurnee Smollett-Bell.^[2]