Ibodullohi Soleh
| Solehov Ibodulloh Sa'dulloevic | |
| Ta'rixi tavallud: | 15 janvar 1962 (63 sol) |
| Zodgoh: | nohijai Xovaling, ÇŞS Toçikiston |
| Şahrvandī: |
 Toçikiston |
| Nav'i fa'olijat: | şoir |
| Zaboni osor: | zaboni toçikī |
Ibodullohi Soleh (Solihov Ibodullo Sa'dulloevic; 5.01.1962, dehai Lohutī, nohijai Xovaling) — şoir va rūznomanigori toçik, uzvi Ittifoqi navisandagoni Amrikoi Şimolī[1].
Zindaginoma
[viroiş | edit source]Ibodullohi Soleh 5-umi janvari soli 1962 dar dehai Lohutiji nohijai Xovaling dar oilai zijoī caşm ba olami hastī kuşodaast. Dar Muassisai tahsiloti hamagoniji hamin deha solhoi 1969-1979 tahsil namuda, solhoi 1981-1983 dar safi Quvvahoi Musallahi Ittihodi Şūravī xizmat kardast. Soli 1983 ba Instituti xoçagiji qişloqi Toçikiston (holo Donişgohi agrariji Toçikiston ba nomi Şirinşoh Şohtemur) doxil şuda, donişgohi mazkurro soli 1988 bo ixtisosi zoomuhandis xatm mekunad. Ba'di xatmi donişgoh dar sohahoi gunoguni xoçagiji xalq dar vazifahoi gunogun kor va fa'olijat namudast. Ajni zamon ba fa'olijati sohibkorī maşƣul meboşad.
Ba eçod namudani şe'r zavqi beandoza va mahorati balandi tabiī doşta bo taxallushoi «Hoçī» va «Soleh» şe'r megūjad. Şoir dar barobari mavzū'hoi mehanparastonaju xeştanşinosona işqi poki zindagiro ba riştai nazm kaşidaast. Şoir tanosubi suxan va istifodai san'athoi badeiro dar şe'rhojaş mohirona istifoda burda doimo dar çustuçūi tasviru obrazhoi tozai balandi badeī ast.
Dar ofaridahojaş şebu farozi zindagiro bo işqu muhabbati beandoza ba riştai nazm kaşidaast. Ibodullohi Soleh mahorati balandi tarçumonī doşta şe'rhoi şoironi klassiku muosiri xoriçiro bo zaboni toçikī tarçuma kardaast. Ba tarçumahojaş az tarafi tarçumonho va muhaqqiqoni xoriçī baho baland doda şudaast.
Osor
[viroiş | edit source]Şe'rhoi Ibodullohi Soleh bo bisjor zabonhoi dunjo tarçuma va cop şuda ast. Az çumla, bo zaboni anglisī az çonibi Santoş Kumar, fransuzī Nadeƶda Valeeva, portugalī Fatima Gajmero va Xorxe Seguare, bengalī va arabī Salma Xan, rusī az çonibi akademik MARLI Ljudmila Sadovskaja, uzbekī Asliddin Qamarzodai Samarqandī, qazoqī az tarafi Ajnur Kumarxanova va digaron tarçuma şudaast[2].
Namunahoi aş'oraş dar maçalahoi davriji vatanī va xoriçī pajvasta naşr meşavad. Kitobi naxustinaş tahti unvoni «Işqi Zindagī» bo xatti sirillik va forsī ba naşr rasida, maçmuai dujumaş bo nomi «Sad ƣazal va sad dubajtī», sejumin maçmuai ū bo nomi «Çahone dar cor satr», "Işќi Zaxmin" dastrasi xonandagon şudaast.
Eçodijotaş dar maçmuahoi dastça'monai «Suxanvaroni Zarafşon», «Bajozi pançgona», «Gulzori muxammas»,“Safinai suxan”, dar Afƣoniston dar kitobi «Murure ba şe'ri muosiri toçik», dar antologijai çahoniji “Surudi sajjora”dar Meksiko va antologijai “Şoironi dunjo dar vasfi Toçikiston” ba cop rasidaast[3].
Asarhojaş dar naşrijai bajnalmillaliji PRODIGY RUBISHED,NEW EDTION naşr şudaast, incunin kitobi «Işqi zindagī» dar somonai çahoniji ebadollahsaieh@blog.ir va namunahoi aş'oraş dar Somonai ebadolIahsaleh@blogfa.com bo hurufoti forsī cop şudast.
Uzvi Itifoqi Navisandagoni Amrikoi Şimolī SPSA, Uzvi palatai Bajnalmillali navisandagon va san'atkoroni SIERSAT. Akademiki faxriji Akademijai Bajnalmillali adabijot, farhang, san'at va ilmhoi içtimoī meboşad.
Ezoh
[viroiş | edit source]- ↑ Şoiri toçik Amrikoi Şimoliro ba po xezond… (tj-TJ). Pressa.tj. 26 nojabri 2024 sançida şud.
- ↑ ŞOIRI TOÇIK — “ŞOIRI ÇAHONII 2022” - Ovozitojik.uz. ovozitojik.uz. 26 nojabri 2024 sançida şud.
- ↑ admin. Şe'ri Ibodullohi Soleh dar (fa-IR). بنیاد جهانی سُخن گُستران سبزمنش، Sabz manesh Foundation (27 ijuni 2022). 26 nojabri 2024 sançida şud.