Abdulhamid Samad

Abdulhamid Samad (5 avgusti soli 1947, dehai Şikorgah, nohijai Xovaling) — navisanda, rūznomanigor. Az soli 1982 uzvi Ittifoqi navisandagoni Toçikiston. Navisandai xalqiji Toçikiston (1999), dorandai Çoizai davlatiji ba nomi Abūabdullohi Rūdakī (1990).

Abdulhamid Samad bo sababi ba dehai Kaduciji nohijai Vose' kūcidani xonadonaşon maktabi mijonaro dar hamin deha ba itmom rasondaast. Soli 1965 ba fakultai filologijai Donişkadai davlatiji omūzgorī doxil şuda, soli 1969 onro xatm kardaast. Ba'dan dar rūznomai «Toçikistoni Sovetī» ba fa'olijat pardoxta, to soli 1977 dar vazifahoi gunogun ifoi vazifa namudaast. Sipas ba maçallai adabiji «Sadoi Şarq» da'vat şuda, solhoi 1977—1987 dar şu'bai nasri on fa'olijat burdaast. Ba'dan muovini sardabiri haftavori «Adabijot va san'at» (1987—1988), muovini sardabiri mohnomai «Farhang» (1989—1990) va sardabiri maçallai «Sadoi Şarq» (1990—1993) budaast. Az soli 1993 to soli 2015 muovini avvali raisi Ittifoqi navisandagoni Toçikiston.^[1]

Az ovoni navrasī xabaru maqola, az ajjomi donişçūjī lavhavu hikojahoi alohidai Abdulhamid Samad dar rūznomahoi çumhurī cop şudaand. Solhoi haftodumi asri bist qissavu hikojahoi ū dar maçallahoi «Sadoi Şarq»-u «Pomir», haftavori «Adabijot va san'at» va digar maçallavu rūznomaho ba tab' rasidaand. Naxustin qissai ū «Ba'd az sari padar» soli 1979 dar maçallai «Sadoi Şarq» intişor jofta, maqbuli xonandagon va muhiti ilmivu adabī gardidaast. Ofaridahoi Abdulhamid Samad to imrūz dar avroqi gulcinu maçmūahoi «Şoxi canor» (1981), «Ba'd az sari padar» (1982), «Parroncakho» (1983), «Pijolai şikasta» (1986), «Aspi bobom» (1986), «Kosai davr» (1987), «Majdon» (1989), «Akai oşiq» (1992), «Şahdrezi sado» (1997), «Ba'd az sari padar» (muntaxabi qissaho; ba hurufi forsī, Tehron, 1999), «Taloş» (2002), «Gardişi devbod» (2007), maçmūai hikojahoi baroi xurdsolon «Man oşnoi tu, tu oşnoi man», (1999, 2003), «Girjai xirs» (2006), «Gardişi devbod» (ba hurufi forsī, 2012) va ƣ. intişor joftaand. Namunahoe az aş'oraş dar matbuoti davrī ba tab' rasidaand. Andeşahoi domanadori adabī va safarnomavu safarguftahoi sabaqomūzi ū dar avroqi kitobi «Sangi mahak va tarozui hunar» (2012) faroham omadaand. Muallifi safarnoma va cand pjesai jakpardagī ham meboşad va dar xususi mas'alahoi muhimmi rūzgoru axloqu içtimo', tahavvuloti nazmu nasri muosiri toçikī candin maqola navişta, pahluhoi gunoguni eçodijoti Ustod Ajnī, M. Tursunzoda, S. Uluƣzoda, F. Muhammadiev, Ç. Ikromī, F. Nijozī, M. Avezov, C. Ajtmatov, Loiq, Ƣ. Safarzoda, S. Tursun. Ç. Baqozoda, A. Sa'dulloev, S. Şarifzoda, Sajf Rahim va digaron essehoi xotirnişine ba cop rasondaast. Abdulhamid Samad dar maktabi ibratbaxşi rūznomanigorī sabaqi darkorī girifta, pastu balandi zindagī va xislatu xarakteri odamonro xub omūxtaast, dar çarajoni ofaridani simohoi adabī az in masolehi zarurī ustodona istifoda burdaast va aksari kulli naviştahojaşro çazzobijatu hassosijati xose baxşidaast. Dar ta'lifi asarhojaş beştar az holatu hikmati rūzgori imrūza manşa'u mabda' megirad va dar çarajoni tasviri simoi insonhoi gunogunmaniş roh ba olami botini onon mekuşojad, to xonandagonaş az in ravzana voridi çahoni bekarone gardandu bibinandu ahlaşro bişinosandu xulosai darkorī bardorand. Zaboni asarhoi navisanda puxtavu sufta, muhovaraho nişonrasu samimī, bandu bastaşon ustokorona, muhtavojaşon ta'sirbaxşu sabaqomūz buda, haqdorona muallifaşonro dar radifi ustodoni nasri hamzamoni toçikī qaror dodaand. Asarhoi alohidai navisanda ba bisjore az zabonhoi mardumi çamohiri şūravī va mamoliki xoriçī tarçumavu cop şudaand. Az çumla, soli 1986 naşrijoti «Sovetskij pisatelь» (Maskav) maçmūai qissavu hikojahoi ū «Mecta molodosti», soli 1998 qissai «Deduşkin konь»-ro dastrasi xonandagoni serşumori rusizabon gardondaast. Abdulhamid Samad az mutarçimoni muvaffaqi kişvaramon buda, jak idda qissavu hikojahoi A. P. Cexov. S. Zaligin, Aziz Nesin, N. V. Dumbadze, G. Tjutjunnik, Eva Lisinaro ba toçikī gardondaast.

• Çoizai davlatiji ba nomi Abūabdullohi Rūdakī (1990),
• Navisandai xalqiji Toçikiston (1999),
• Çoizai bajnalmilaliji sarvati zehnī (Ƶeneva) (2011)^[2]