1689

1689 (MDCLXXXIX) கிரெகொரியின் நாட்காட்டியில் ஒரு சனிக்கிழமையில் ஆரம்பமான சாதாரண (நெட்டாண்டு அன்று) ஆகும், அல்லது 10-நாட்கள் பின்தங்கிய பழைய யூலியன் நாட்காட்டியில் செவ்வாய்க்கிழமையில் ஆரம்பமான சாதாரண ஆண்டு ஆகும்.

• சனவரி 11 - 1688 முடிவில் நாட்டை விட்டுத் தப்பி ஓடிய இங்கிலாந்தின் இரண்டாம் யேம்சு மன்னரின் முடியுரிமை குறித்து இங்கிலாந்து நாடாளுமன்றம் விவாதித்தது. பெப்ரவரி 8 இல் இதற்கான முடிவு எட்டப்பட்டது.^[1]
• பெப்ரவரி 13 - மூன்றாம் வில்லியம், இரண்டாம் மேரி ஆகியோர் இங்கிலாந்து, இசுக்கொட்லாந்து, அயர்லாந்து ஆகியவற்றின் ஆட்சியாளர்களாக அறிவிக்கப்பட்டனர்.^[1]
• மார்ச் 22 - பதவியில் இருந்து அகற்றப்பட்ட இங்கிலாந்தின் இரண்டாம் யேம்சு மன்னர் 6,000 பிரெஞ்சுப் படையினருடன் ஆட்சியை மீண்டும் கைப்பற்றும் நோக்குடன் கத்தோலிக்கர் பெரும்பான்மையாக வாழும் அயர்லாந்து வந்தான்.^[2] ஆனாலும், பெரும்பாலான கத்தோலிக்கர்கள் அவனை பிரான்சின் பதினான்காம் லூயி மன்னரின் கையாள் எனக் கருதி அவனுக்கு உதவி செய்ய மறுத்து விட்டனர்.
• ஏப்ரல் 11 - மூன்றாம் வில்லியம், இரண்டாம் மேரி இலண்டனில் அரசனாகவும், அரசியாகவும் முடி சூடினர்.^[3]
• ஏப்ரல் 18 - இங்கிலாந்தின் இரண்டாம் யேம்சு அயர்லாந்தின் டெரி நகரை அடைந்து சரணடைய அனுமதி கேட்டான். ஆனாலும், சீர்திருத்தவாதிகள் அதற்கு ஒப்புக் கொள்ளவில்லை.^[4]
• மே 24 - இங்கிலாந்தில் அரசியல்சட்ட முடியாட்சி ஏற்படுத்தப்பட்டது.
• யாழ்ப்பாணப் பட்டணத்தின் டச்சுத் தளபதியாக புளோரிசு புளொம் நியமிக்கப்பட்டார்.^[5]
• பிரித்தானிய கிழக்கிந்திய நிறுவனம் வலிமை மிக்க படைபலத்துடன் வங்காளம், மதராஸ், பம்பாய் போன்ற பரந்த மாகாணங்களை நிர்வாக மாவட்டங்களாக அறிவித்தது.