தேனுகா (இராகம்)

இது தேனுகா இராகத்தைப் பற்றிய கட்டுரை . எழுத்தாளர் தேனுகா குறித்து படிக்க தேனுகா (எழுத்தாளர்)

தேனுகா இராகம், கருநாடக இசையின் 9 ஆவது மேளகர்த்தா இராகம் ஆகும். அசம்பூர்ண பத்ததியில் 9 ஆவது இராகத்திற்குத் துனிபின்னஷட்ஜம் என்ற பெயர் கொடுக்கப்பட்டுள்ளது.

• நேத்ர என்றழைக்கப்படும் 2 வது வட்டத்தில் (சக்கரத்தில்) 3 வது இராகம்.
• இந்த ராகத்தில் ஷட்ஜம், சுத்த ரிஷபம்(ரி₁), சாதாரண காந்தாரம்(க₂), சுத்த மத்திமம்(ம₁), பஞ்சமம், சுத்த தைவதம்(த₁), காகலி நிஷாதம்(நி₃) ஆகிய சுரங்கள் வருகின்றன.

• இதன் மத்திமத்தை பிரதி மத்திமாக மாற்றினால் இராகம் சுபபந்துவராளி (45) ஆகும்.
• கிரக பேதத்தின் வழியாக இந்த மேளத்தின் ரிஷப, மத்திம, தைவத ஆகிய சுரங்கள் முறையே சித்ராம்பரி (61), சண்முகப்பிரியா (56), சூலினி (35) ஆகிய மேளங்களைத் தோற்றுவிக்கின்றன (மூர்ச்சனாகாரக மேளம்).
• பல ஜன்ய இராகங்களைக் கொண்ட மேளகர்த்தா.

தேனுகாவின் ஜன்ய இராகங்கள் இவை.

• பின்னபஞ்சமம்
• சாமவராளி
• சுருட்டிமல்லாரு
• டக்கா
• லலிததோடி
• பின்னஷட்ஜமம்
• மார்க்கவி
• மராளகமினி
• வத்ஸா
• வஜ்ஜிரகாந்தி

1. ↑ டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006); வெளியீடு: குசேலர் பதிப்பகம், சென்னை - 78.