கட்டற்ற கலைக்களஞ்சியமான விக்கிப்பீடியாவில் இருந்து.
இலங்கையில் பௌத்தத்தின் பரம்பல் - 2001 மற்றும் 1981 (சாய்வெழுத்தில் உள்ளவை) மக்கள் தொகை கணக்கெடுப்பு
இலங்கையின் மொத்த சனத்தொகையில் 70.2 சதவீதமானோர் தேரவாத பௌத்தத்தைப் பின்பற்றுகின்றனர். 2012 சனத்தொகைக் கணக்கெடுப்பின் படி 14,222,844 பேர் பௌத்த சமயத்தைப் பின்பற்றுகின்றனர்.[1]
இலங்கையில் பாரம்பரிய பதிவுகள் (தீபவம்சம்) கி.மு. 4ம் நூற்றாண்டில் இலங்கைக்கு பௌத்தம்அசோக சக்கரவர்த்தியின் மகனாகிய மகிந்தவினால் தேவநம்பிய தீசன் ஆட்சிக்காலத்தில் அறிமுகப்படுத்தப்பட்டது எனக் கூறுகின்றன. அக்காலத்தில் அரச மரக்கிளையொன்று இலங்கைக்கு கொண்டுவரப்பட்டு முதலாவது துறவிகள் மடம் இலங்கை அரசன் உதவியுடன் அமைக்கப்பட்டது.
