Andorra

Andorra furstâkodde Principat d’Andorra (katalaankielân)
lippu	vaakun
Staatâhäämi	furstâkodde
Uáivikaavpug	Andorra la Vella
Vijđodâh	468 km²
Ässeeloho (2020)	77 543
– ässeesaahâdvuotâ	179,8 ässed/km²
Virgáliih kielah	katalaankielâ
Vaaluut	euro (EUR)
Äigi	UTC+1
– kesiäigi	UTC+2
Uánádâs	AD
– fiävruin	AND
– kirdemmašinijn	C3
Jotolâh	uálgispiälásâš
Sundenummeer	+376
Internet TLD	.ad
Motto	"Virtus Unita Fortior"
Aalmuglâšlaavlâ	El Gran Carlemany

Andorra furstâkodde (katalaankielân Principat d’Andorra) ađai Andorra (katalaankielân Andorra) lii mikro- já siseennâmstaatâ Espanja já Ranska kooskâst Pyrenij váráduvvâst. Staatâ uáivikaavpug lii Andorra la Vella (ađai 'Puáris Andorra').

Andorra vijđodâh lii tuše 468 km², mast 0 km² lii čääci.^[1] Vijđoduv mield Andorra lii maailm 195.^[1] stuárráámus staatâ já Euroop kuđâdin ucemus staatâ. Staatâ koskâalodâh lii Euroop alemus, 1 996 meetterid.

Andorra lii staatâ Pyrenij váráduvvâst, Maadâ-Euroopist. Ton áinoo ránnjástaatah láá Espanja já Ranska. Andorrast staatârääjih láá ohtsis 118 km.^[1] Kuhemus rääji lii rääji Espanjain, mii lii 63 km.^[1] Uánihumos rääji vist lii 55 km rääji Ranskain.^[1] Andorra lii siseennâmstaatâ, já te tast ij lah merâriddo ollágin.

Válduartikkâl: Listo Andorra vaarijn

Andorra alemus vääri lii Comapedrosa, mii paijaan 2 942 meetter alodâhân.^[2] Ton vyeligumos saje vist lii Runerjuuvâ riddo (840 m).^[1]

Andorrast láá 7 kieldâd: Andorra la Vella, Canillo, Encamp, Escaldes-Engordany, La Massana, Ordino já Sant Julià de Lòria.

Ive 2020 staatâ ässeeloho lâi 77 543.

Andorra ässeeloho iivij 1965–2015

Käldee: Andorra statistiikkuávdáš.[3]

• Wikimedia Commonsist láá koveh teikkâ eres tiätuvuárháh fáádást Andorra.