Haslumseter kappel: Iäruttâs siijđo versioi kooskâst
| Raddalâs 26 | Raddalâs 26 | ||
== Fáádást eres soojijn == |
== Fáádást eres soojijn == |
||
{{commons-raddalâs}} |
|||
* [https://www.haslumseter.no/index.php Haslumseterkappel] {{no}} |
* [https://www.haslumseter.no/index.php Haslumseterkappel] {{no}} |
||
Versio 24. roovvâdmáánu 2022 tme 11.03
| Staatâ | Taažâ  |
|---|---|
| Kuávlulâš ohtâdâh | Bærum |
| Koordinaateh | 59°58′28″N 10°32′37″E |
| Kulttuurärbičuosâttuv status | kulttuurärbičuosâttâh Taažâst |
| Virgálâš päikkisijđo | https://www.haslumseter.no/ |
Haslumseterkappel lii ive 1969 kiävtunvihkum valastâllâmkappel Bærumsmarkast, Bærumist, Taažâst. Tom vuávái taažâ arkkiteht Magnus Poulsson, kii jaamij ive 1958 ovdil ko kappel huksim aalgij. Suu alge Anton Poulsson tooimâi ovdâsvástádâslâžžân arkkitehtin huksim ääigi.
Historjá
Haslumseter lâi puáris kesikuáttumsaje. Tobbeen lijjii kulmâ fastâ eennâmtáálu, moh puollii kunnân suulân ive 1880.[1][2] Ive 1942 merkkui, ete Oslomarka viestâroosijn-uv tarbâšuvvoo kappel, mast vajâldeijeeh, čyeigeeh já turisteh pyehtih eelliđ el. immeelpalvâlusâin, tastko Nordmarkkappel Oslomarka taavaapeln lâi nuuvt piivnoh.[3] Kappel huksimsaje muulsâiähtun lijjii Muren, Haslumseter, Vensåsseter, Rognlivann, Tjæregravshøgda já Elgkollen.[4][5] Vyesimáánu 29. peeivi 1946 meridui kevttiđ kiedi Haslumseterist tuon tárguttâsân.[4][5]
Huksiittâs vuáđukeeđgi muvrái pispe Johannes Smemo roovvâdmáánu 22. peeivi 1967.[1][5] Tilálâšvuođâst lijjii paijeel 1 000 olmožid.[1] Täkkitupe valmâštui vistig, já tom viihkâi kiävtun kuovâmáánu 9. peeivi 1969 pappâ Kaare H. Skollerud.[5] Tobbeen tuállojii immeelpalvâlusah ton räi, ko kappeltupe valmâštui ive 1969. Pispe Fridtjof Birkeli viihkâi muorâkappel kiävtun čohčâmáánu 21. peeivi 1969.[1][6][7]
Huksiittâs
Kappel lii 10 m kubduv já 12 m kukke já kuori lii 5 m kubduv já 6 m kukke ađai kappel vijđodâh lii 150 m2.[5] Huksiittâsâst láá kyehti eresstuárusâš tuve: ucceeb täkkitupe já stuárráb kappeltupe. Tuuvij kooskâst láá kiällutornâ. Kappelân čäähih suulân 300 olmožid.[5]
Kappel lii rahtum salvum hirssâkeerdijn.
Täkkitupe
Täkkitupe lii ucceeb ko kappeltupe. Toos čäähih suulân 100 olmožid.[8] Ovdil ko kappeltupe valmâštui, täkkituuveest tuállojii immeelpalvâlusah.
Kappeltupe
Kappeltuuveest láá čokkámsajeh suulân 150 ulmui.[8] Ovdeláá kappeltuve nube keerdist lâi luptâstâh, kost lijjii 50 čokkámsaijeed, mut tast šoodâi maŋeláá uáđđimkuárvi.[5]
Álttártavlu
Álttár tyehin lii ivnáás álttártavlu, mon máálái Håkon Stenstadvold.[9] Taavlu nommâ tárukielân lii Den oppstandne Kristus.[10] Stenstadvold máálái tom ive 1961 Holmegilkappel várás, mut tavlu sirdui maŋeláá Haslumseterkappelân.[9][10]
Kirkkoeennâm
Kappelenâmist ij lah kirkkoeennâm.[8]
Fáádást eres soojijn
Wikimedia Commonsist láá koveh teikkâ eres tiätuvuárháh fáádást Haslumseter kappel.
- Haslumseterkappel (tárukielân)
Käldeeh
- ↑ a â b c Haslumseter kapell, tidligere Haslumseter barumhistorie.no. Čujottum 23.10.2022. (tárukielân)
- ↑ ”Historien om Haslumseter kapell: Seterliv — også i Bærumsmarka”, Haslumseter kapell 50 år 1969–2019, s. 31. Styret i Haslumseter kapell, 2019. Tyeje nettiversio (čujottum 23.10.2022). (kirjetárukielân)
- ↑ Historie Del 1 Haslumseter.no. Čujottum 23.10.2022. (kirjetárukielân)
- ↑ a â Haslumseter Haslumseter.no. Čujottum 23.10.2022. (kirjetárukielân)
- ↑ a â b c č d đ ”Historien om Haslumseter kapell: Tiden før innvielsen”, Haslumseter kapell 50 år 1969–2019, s. 32. Styret i Haslumseter kapell, 2019. Tyeje nettiversio (čujottum 23.10.2022). (kirjetárukielân)
- ↑ Hendingar sidan sist. Firda Folkeblad, 22.9.1969, 64. ihekerdi, nr 68, s. 2. Artikkâl nettiversio Čujottum 23.10.2022. (tárukielân)
- ↑ Kapellets historie igjennom snart 60 år Haslumseter.no. Čujottum 22.10.2022. (tárukielân)
- ↑ a â b Haslumseter kapell norske-kirker.net. Čujottum 23.10.2022. (tárukielân)
- ↑ a â ”Altertavlen i Haslumseter kapell: Utført av maleren Håkon Stenstadvold”, Haslumseter kapell 50 år 1969–2019, s. 47–48. Styret i Haslumseter kapell, 2019. Tyeje nettiversio (čujottum 23.10.2022). (kirjetárukielân)
- ↑ a â Østby, Leif: Håkon Stenstadvold Norsk kunstnerleksikon. 21.12.2014. Čujottum 23.10.2022. (kirjetárukielân)