Misiona Liona Sami

Misiona Liona Sami (Igilisi: Operation Sea Lion; Siamani: Unternehmen Seelowe) o le igoa fa'apitoa lea o se fuafuaga a Nasi Siamani, mo le osofa'iga aga'i i le Atunu'u o Peretania i le taimi o le Taua Lona Lua a le Lalolagi (WW2).^[1][2] Sa fuafua e fa'agaoioia le misiona lea, a'o tupu fo'i le Taua o Peretania i luga o le ea. Mai le fa'aiuna o le Taua o Farani (1940), sa manatu ta'ita'i o Siamani e talosaga mai Peretania mo le fa'amutaina o faigataua. E le'i mana'o Siamani e fa'agaoi le misiona, se'iloga e le toe iai se isi auala e fa'afilemu ai le va o latou ma Peretania.^[3]

Mo le sauniga o le fuafuaga lea, sa mana'o ta'ita'i o Siamani e pulea le Alavai o Egelani ma le lagi o Peretania. E le'i ausia sini ia i le taimi atoa o le WW2. E le'i mautinoa fo'i e ta'ita'i o Siamani pe mafai ona fa'atino le misiona. Ae peita'i, sa saunia e le Autau ma Neivi o Siamani isi tulaga o le fuafuaga. O galuega ia, sa a'afia ai le a'oa'oga o Fitafita, fausi'ana o masini fa'apitoa, ma le saunia o le tele o va'a e amo a'i Fitafita ma masini. O le to'ilaloina o le Taua o Peretania sa gafatia ai le misiona. Sa taofia ai e le ta'ita'i sili o Siamani, Hitila, le fuafuaga lea i le 17 Setema 1940, ma le toe tulia i le taimi atoa o le WW2.

1. ↑ Cruickshank, Dan. "The German Threat to Britain in World War Two". BBC History. Archived from the original on 15 May 2017. Retrieved 7 May 2017.
2. ↑ "Operation Sealion – History Learning Site". The History Learning Site. Archived from the original on 29 May 2017. Retrieved 7 May 2017.
3. ↑ "BBC – WW2 People's War – A Last Appeal to Reason by Adolf Hitler".