හතරවන විජයබාහු රජ

හතරවන විජයබාහු රජ
දඹදෙනිය රාජධානියේ රජ
හතරවන විජයබාහු රජුගේ මස්සකයක්
රාජ්‍ය සමය	1267/8-1270
පූර්වප්‍රාප්තිකයා	දෙවන පරාක්‍රමබාහු රජ
අනුප්‍රාප්තිකයා	පළමු බුවනෙකබාහු රජ
මරණය	1272 ඔක්තොම්බර් දඹදෙණිය, ලංකාව
දරුවන්	තෙවන පරාක්‍රමබාහු රජ
වංශය	සිරි සඟ බෝ රාජවංශය
පියා	දෙවන පරාක්‍රමබාහු රජ
ආගම	ථෙරවාද

හතරවන විජයබාහු රජ යනු ක්‍රි.ව. 1270 දි දෙවන පරාක්‍රමබාහු රජතුමාගෙ මරණයෙන් පසු දඹදෙනිය අග නගරය කරගෙන රාජ්‍යත්වයට පත් වූ ඔහුගේ වැඩිමහළු පුත් විජයබාහු කුමාරයා ය. හතරවන විජයබාහු නමින් ප්‍රකට වූ මෙතුමා බෝසත් විජයබාහු නමින් ද හැඳින්වින.

එහෙත් මෙම රජතුමාට බලයේ සිටිය හැකි වුනේ දෙවසරක් පමණි. මිත්ත නම් සෙන්පතියෙක් ක්‍රි.ව. 1272 දී රජ ගෙදර මෙහෙකරුවෙකුට අල්ලස් දී රජු මරා දමා තෙමේ රජ විය. මිත්ත සෙන්පතියාට සිහසුනට උරුමයක් නොවූ අතර වැටුප් ප්‍රසාද දී හමුදාපතීන් පක්ෂ කරවාගෙන තමන්ට තර්ජනයක් විය හැකි බෝසත් විජයබාහු රජුගේ සොයුරු බුවනෙකබාහු ආදිපාදයන් මැරවීමට චරපුරුෂයන් යෙදවීය.^[1]

මෙකල රාජ සේවයේ සිටි විදේශීය හමුදාංකයේ සිටි ආර්ය භටයන් මිත්තට අවනත නොවුණු අතර ඔවුන්ගේ නායක ඨකුරක සෙන්පතියා මිත්තව මරා දමා තමා එය සිදුකලේ සිහසුනට උරුමකම් කියන බුවනෙකබාහු ආදිපාදගේ උපදෙස් පරිදි බව සිංහල සෙන්පතියන්ට පැහැදිලි කර ඔවුන්ද පක්ෂ කොටගෙන බුවනෙකබාහු ආදිපාදයන් කැඳවා රජ කරවීය. බුවනෙකබාහු කුමරා පළමු බුවනෙකබාහු රජ නමින් දඹදෙනිය අග නගරය කරගෙන රජ විය. ඒත් ටික කලෙකින් පළමු බුවනෙකබාහු රජතුමා තම අග නගරය වශයෙන් යාපහුව තෝරා ගත්තේය.

• සිංහලේ රාජාවලිය

• ශ්‍රී ලංකාවේ රජවරු සහ පාලකයෝ
• කොඩ්‍රින්ටන්ගේ ලංකා කෙටි ඉතිහාසය