Bannera basca
La ikurriña (nomu n euskera) è la bannera dê Paisi Baschi, criata ntô 1894 di Sabino Arana, patri dû Partitu Nazziunalista Bascu, e sò frati Luis.
La bannera arricorda assai chidda dâ Gran Britagna e macari è pì chissu ca li frateddi Arana si nspiraru a dda bannera, vista l'ammirazziuni di Sabino pâ Scozzia. Sicunnu la tiurìa cchiù accriditata, lu sfonnu russu è chiddu di Biscaglia, la cruci janca è simmulu dû cattulicesimu, mmeci la cruci verdi è lu simmulu di Sant'Andrea, patronu di Biscaglia. Sicunnu àutri ntirpritazzioni la cruci verdi rapprisenta l'àrbulu di Gernika o macari tutta la bannera na stilizzazzioni dû vecchiu scutu di Navarra.
La palora ikurriña è nu neuluggismu, criatu sempri di li frati Arana, c'addiriva etimuluggicamenti di ikur (simmulu), ntisu comu la traduzzioni n euskera di bannera. La bannera basca è videmma unu di li simmuli ca furmanu la bannera di Saint-Pierre e Miquelon.