ISBN

ISBN
Є єдным из	стандарт ISO, ідентифікатор публікації
Є пудкласов	European Article Number, URN, непостоянный идентификатор, постійний ідентифікатор
Коротка назва	ISBN
На заміну	Standard Book Number
Обслуговується	the International ISBN Agency
Підтримується Вікіпроєктом	Вікіпедія:Проєкт:Математика
Ідентифікує	видання книги
Теґ на Stack Exchange	https://stackoverflow.com/tags/isbn
Еквівалентний клас	http://bibliograph.net/isbn, http://id.loc.gov/ontologies/bibframe/Isbn
Точно відповідає	https://data.bnf.fr/ontology/bnf-onto/isbn, http://dbpedia.org/resource/International_Standard_Book_Number
Не плутати з	Міжнародний стандартний номер нотного видання
Постійний дублікат	Q22828829
Категорія Вікісховища	ISBN
Головний шаблон за темою	Шаблона:ISBN, Template:Cite isbn
Основна катеґорія за темов	Category:International Standard Book Number
ISBN

ISBN — International Standard Book Number англ. — меджинародный штандартный код книгы, што ю еднозначно идентификуе, циже не може быти инша книга з такым кодом. Далше выданя той самой книгы мусить достати новый код ISBN (окрем додаточного наклада без жадных змѣн). То саме выданя в твердой обкладцѣ и в мягкой обкладцѣ мусять мати окремы коды ISBN. Таксамо полиграфичне и вебове выданя мусять быти з окремыма кодами. Коды ISBN были заведены в року 1970. Код ISBN мать быти умѣщеный на реверзѣ титулового листа в нижном лѣвом кутѣ, але може быти тыж еще дублованый инде.^[1]

Меджинародна агенция ISBN находить ся в Лондону:

International ISBN Agency

48-49 Russell Square

London

WC1B 4JP

UK

Кажда держава-участничка мать свою националну агенцию, котра веде регистрацию книг, выдавать коды ISBN и формуе потребны про то кодификаторы.

До року 2007 коды были 10-циферны, од року 2007 суть 13-циферны. 13-циферный код ISBN е унификованый зоз смугокодом товара.

В 13-значном кодѣ первы три цифры суть 978 (зарезервованы суть еще 979). Тоты цифры не значать нич инше, лем то же товаром е книга. За тыма цифрами, оддѣлены од себе чарков, слѣдують четыры групы цифр, котры идентификують конкретне выданя.^[1]

1. Держава або языкова область: 0 и 1 — англоязычны краи, 2 — франкоязычны, 3 — нѣмецкоязычны, 4 — японскы, 5 — русскоязычны (дакоторы державы бывшого СССР, Россия), 7 — китайскы, 80 — Чехия и Словакия, 86 – Сербия, 600 — Иран, 953 — Хорватия, 966 — Украина, 985 — Бѣлорусь
2. Выдавательство: выдаватель доставать код од националной агенции, а тот код мать тым менше цифер, чим векше е выдавательство
3. Порядкове число книгы того выдавателя: про великы выдавательства мать веце цифер
4. Контролна цифра: выраховуе ся про 13-цифровы коды а про 10-цифровы подля иншакых алгоритмох

Поужитя вариабилной довжкы кода в штруктурѣ (окрем контролной цифры, котра все лем едноцифрова) застачать добру приспособивость до потреб каждой державы-участничкы. Ту суть илустративны примѣры:^[2]

Напримѣр, ISBN-13 контролну цифру про 978-0-306-40615-? вырахуеме так:

s = 9×1 + 7×3 + 8×1 + 0×3 + 3×1 + 0×3 + 6×1 + 4×3 + 0×1 + 6×3 + 1×1 + 5×3
  =   9 +  21 +   8 +   0 +   3 +   0 +   6 +  12 +   0 +  18 +   1 +  15
  = 93
93 / 10 = 9 остаток 3
10 –  3 = 7 (контролна цифра доповнять суму так, жебы ся дѣлила на 10 без остатка)

Циже контролна цифра буде 7, а цѣлый 13-цифровый код ISBN 978-0-306-40615-7.

Кажда з цифер 10-циферного кода ISBN, злѣва направо мать вагу, спадаючу од 10 до 1. Множиме цифру на ей вагу, и складеме продукты. Резултат мать ся дѣлити без остатка на 11.

Напримѣр, контролну цифру ISBN-10 про код 0-306-40615-? вырахуеме так:

${\displaystyle {\begin{aligned}s&=(0\times 10)+(3\times 9)+(0\times 8)+(6\times 7)+(4\times 6)+(0\times 5)+(6\times 4)+(1\times 3)+(5\times 2)\\&=130\end{aligned}}}$

Додавши 2 ку 130 достанеме число, котре ся дѣлить без остатка на 11 (132 = 12 x 11) − лем тото число в диапазонѣ од 0 до 10 е валушне. Зато контролна цифра мать быти 2, а комплетный код ISBN 0-306-40615-2. Кедь е потребне додавати 10, жебы задоволити варунок дѣлѣня на 11 без остатка, тогды за контролну цифру пишуть 'X'.

• Bradley, Philip (1992). "Book numbering: The importance of the ISBN" (PDF). (245KB). The Indexer. 18 (1): 25–26. англ.
• ISBN. //New World Encyclopedia. англ.
• The International ISBN Agency англ.

Вікісклад має мултімедіалны дата на тему:

ISBN

Тоты даны суть часточно або цалком основаны на перекладї статї International Standard Book Number на анґліцькій Вікіпедії.