Egit

L' Egit (مصر an àrabo) a l'é un pais dl'Àfrica, ma a l'ha ëdcò na part an Asia, la penìsola dël Sìnai.

A confin-a con Libia, Sudan, Israel e Palestin-a e a l'é bagnà dal Mar Mediterani e dal Mar Ross.
La capital a l'é Ël Càiro.
A l'ha na surfassa d'1.001.449 km² e a conta anviron 83 milion d'abitant.

Dël 31 aGC l'Egit a l'é stàit gionzù a Roma.

Dél secol ch'a fa XVIII, l'Egit à l'era ancora un possediment dij Turch, pì nominal che real. Dël 1882, dòp l'overtura dël Canal ëd Suez, l'Egit a l'é dventà un protetorà anglèis.
Dël 1922 l'Egit a l'ha otnù l'indipendensa con ël re Fuad, ma j'anglèis a l'han seguità a comandene la polìtica fin al 1952, quand na partìa d'ufissiaj, guidà da Nasser, a l'ha esilià ël re Faruk e a l'ha proclamà la repùblica.

Ai 3 ëd luj 2013 un colp dë stat militar a l'ha destituì ël pressident Mohamed Morsi.

Për l'esercissi 2009-2010, ël prodot anterior ëspòrch egissian a l'é stàit ëd 157 miliard d'éuro. J'intrade prinsipaj a son arpresentà dal torism, ij trasferiment ëd j'espatrià, ij pedage dël canal ëd Suez.

L'Egit (nòm ofissial: جمهورية مصر العربية = Repùblica Àraba d'Egit) a l'é na repùblica.
Ël pressident provisòri a l'é Adli Mansour.
Ël Prim Ministr a l'é Hazem Beblawi (dal luj 2013).

• Wikimedia Commons a conten figure o àutri archivi su Egit