Viso

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ël Viso (Vísol an ossitan, Monviso an italian) a l'é na montagna piemontèisa àuta 3841 méter, la pì àuta dla Provincia ëd Coni. Al Pian dël Re (pòst ideal ëd partensa për montje 'nsima), a 2020 méter, a-i nass ël Pò.

Etimologìa dël nòm

Viso e l'ossitan Vìsol a l'han sò adoss ant ël latin Mons Vesulus, da na rèis indoeuropenga Ves ch'a dovrìa vorej dì "montagna isolà, ch'as vëdd da lontan".^[1]

Ël përtus

Bele s'a pòrta 'l nòm dël "Re 'd pera" (parèj a ven cò ciamà la pì àuta montagna dj'Alp Còssie), ël përtus ëd Viso a l'é tra 'l Còl ëd le Traversëtte e 'l Mont Grané (truch e branca a 5 km a nòrd dël Viso). As treuva a n'autëssa 'd 2828 méter e soa strèita galarìa, fèita dël 1480 për vorèj dël marchèis ëd Salusse Ludovich II, a l'é longa n'otanten-a 'd méter.

Proverbi

“	Quand che Viso a l'ha 'l capel, o ch'a fà brut o ch'a fà bel; ma se 'l capel lo quata tut, o ch'a fà bel o ch'a fà brut	”
—Proverbi popolar

Arferiment

↑ Bruno Michelangelo (1991). Guida dei nomi di luogo delle Alpi Cozie meridionali. C.A.I. di Cuneo, Cuneo, Italia

[1] Bruno Michelangelo (1991). Guida dei nomi di luogo delle Alpi Cozie meridionali. C.A.I. di Cuneo, Cuneo, Italia

[1]