Texas-blues

Texas-blues
Stilmessig opphav	Blues country blues swing jazz
Kulturelt opphav	Kring 1920-talet i Texas i USA

Texas-blues er ei form for countryblues som utvikla seg utover på 1920-talet i dei fattige svarte miljøa i dei texanske storbyane Dallas, San Antonio og Houston.

Texas blues skil seg frå andre typar blues, som Chicago-blues gjennom instrumentbruk og lyd, særleg den tunge bruken av gitarar. Musikarar som Stevie Ray Vaughan har medverka gjennom ulik gitarbruk og forskjellige element frå blues og jazz. Texas-blues bruker også gitarsolo som overgangar innan songane.

Opphavleg var musikken basert på akustiske gitarar, melodiøse songar, og ein svingande spelemåte. Kjende utøvarar på denne tida var Blind Lemon Jefferson, Leadbelly, Lightnin' Hopkins og T-Bone Walker.

Mot slutten av 1940-åra utvikla stilen seg vidare, særleg gjennom introduksjonen av elektriske gitarar og meir jazzaktige gitarsoloar.

Særleg utover 1970-talet fekk stilen fleire element frå rock, gjennom blant andre ZZ Top.