Contax

Contax (C/Y) var eit kameramerke frå 1975 til 2005.

Stutt soge

Då Zeiss Ikon, den kameraproduserande delen av Carl Zeiss AG, vart lagt ned i 1972, inngjekk Carl Zeiss AG samarbeid med den japanske kameraprodusenten Yashica. Resultatet vart ei ny rekkje spegelreflekskamera som tok over det tradisjonsrike namnet Contax.

Det første kameraet, Contax RTS, kom på marknaden i 1975. Det var konstruert av prof. dr. Katsuiko Sugaya og designa av Porsche designstudio. Det vart laga 13 ulike modellar av spegelreflekskamera. Dei billegaste modellane vart òg marknadsførte med namnet Yashica. Contax 139 Quartz, til dømes, var det same som Yashica FX-D Quartz.

Yashica vart kjøpt opp av Kyocera i 1983, og Kyocera heldt fram med produksjonen av både Yashica- og Contax-kamera. På midten av 1990-talet kom det banebrytande rammeleitarkameraet Contax G1 og litt seinare Contax G2, og ikkje lenge før merket vart lagt ned, kom det særs avanserte mellomformatkameraet Contax 645.

Kyocera greidde ikkje å henga med i den digitale marknaden, og i 2005 vart all kameraproduksjon lagt ned.

Kameramodellar

Spegelreflekskamera

Modell	År	hovudtrekk
RTS	1974	spegelreflekskamera med fast pentaprisme og elektronisk lukkar
139 Q	1979	blendarprioritet, TTL og TTL blitsmåling, X-synch 1/100
137 MD	1980	blendarprioritet, motorisert filmtransport (2-3 rammer/sek)
RTS II	1982	TTL blitsmåling, titaniumlukkar
137 MA	1981	blendarprioritet og manuell
159 MM	1984	program og blendarprioritet, 1/4000 sek, X-sync 1/250 sek, forbetra MM-bajonettfatning
167 MT	1986	program, lukkar- og blendarprioritet, manuell, spot-måling, fast AE-lås, autobracketing
RTS III	1990	pre-flash TTL spot-måling, 100% søkjar.
ST	1992	1/6000 sek, X-synch 1/200, senter- eller spot-måling
S2	1992	1/4000 sek mekanisk lukkar, spot-måling, ikkje TTL blitsmåling
S2b	1994	1/4000 sek mekanisk lukkar, sentermåling, ikkje TTL blitsmåling
RX	1994	fokushjelpesystem
AX	1996	autofokus med rørleg filmplan
Aria	1998	matrix-måling
RX II	2002	enklare variant av RX (utan fokushjelp)

Objektiv

C/Y-fatning

Zeiss fekk laga ei ny objektivfatning til dei nye spegelrefleksane, Contax/Yashica-fatninga (C/Y). Det var ei bajonettfatning som vart nytta på både Contax- og Yashica-kamera.

Zeiss-objektiv med C/Y-fatning vart laga i to variantar: AE og MM. Dei seinare MM-objektiva hadde ein funksjon som let kamera velja blendar som ein del av autoeksponeringssystemet, medan dei eldre AE-objektiva ikkje hadde nokon slik funksjon. Skilnaden mellom AE og MM var ofte ikkje større enn nett denne funksjonen. Dei eldre AE-objektiva er ofte meir verde på bruktmarknaden av di dei kan vera laga i Tyskland, medan dei nyare ofte er laga i Japan. Optikken og kvaliteten skal vera den same.

Distagon 15/3.5
F-Distagon 16/2.8
Distagon 18/4
Distagon 21/2.8
Distagon 25/2.8
Distagon 28/2
Distagon 28/2.8
Vario-Sonnar 28-70/3.5-4.5
Vario-Sonnar 28-85/3.3-4
Distagon 35/1.4
Distagon 35/2.8
PC-Distagon 35/2.8
Vario-Sonnar 35-70/3.4
Vario-Sonnar 35-135/3.3-4.5
Vario-Sonnar 40-80/3.5
Tessar 45/2.8
Planar 50/1.7

Planar 50/1.4
Planar 55/1.2 (Jubileumsobjektiv)
Makro-Planar 60/2.8
Makro-Planar 60/2.8 C
S-Planar 60/2.8 (Eldre slag Makro-Planar 60 mm f/2.8)
Planar 85/1.2 (Jubileumsobjektiv)
Planar 85/1.4
Sonnar 85/2.8
Planar 100f/2
Makro-Planar 100C/2.8
Sonnar 100/3.5
Sonnar 135/2.8
Planar 135/2
Sonnar 180/2.8
Apo-Sonnar 200/2
Tele-Tessar 200/3.5
Tele-Tessar 200/4.0
N-Mirotar 210/5.6
Vario-Sonnar 70-210/3.5 AE
Vario-Sonnar 80-200/4
Tele-Apotessar 300/2.8
Tele-Tessar 300/4.0
Vario-Sonnar 100-300/4-5.6
Mirotar 500/4.5
Mirotar 500/8
Tele-Apotessar 600/4 AE
Mirotar 1000/5.6 AE
Mutar I 2x telekonvertar
Mutar II 2x telekonvertar
Mutar III 1.4x telekonvertar