Peter Kjeldseth Moe

Peter Kjeldseth Moe
	Peter Kjeldseth Moe
Fødd	18. mai 1909; Ørsta kommune
Død	30. juni 1973 (64 år)
Statsborgar av	Noreg
Parti	Arbeidarpartiet
Yrke	politikar, advokat
Alle verv	stortingsrepresentant (1958–1961); vararepresentant til Stortinget (1954–1957); stortingsrepresentant (1961–1965); stortingsrepresentant (1965–1969); stortingsrepresentant (1969–1973); stortingsrepresentant (fast møtande vararepresentant, 1954–1956); stortingsrepresentant (1956–1958) ;

Peter Kjeldseth Moe (18. mai 1909–30. juni 1973) var ein norsk politikar frå Arbeidarpartiet. Han var fødd i Ørsta, utdanna seg som jurist og arbeidde som sakførar i Ørsta.

Han var ordførar i Ørsta i periodane 1945-1947 og 1948-1951.

Han vart vald inn på Stortinget for Møre og Romsdal i 1957, og vart attvald i 1961, 1965 og 1969. Han hadde vore varamedlem i perioden 1954-1957. Han møtte då som vararepresentant medan Ulrik Olsen var statsråd. I juli 1956 døydde Anton Ludvig Alvestad, og deretter møtte Peter Kjeldseth Moe fast for resten av valperioden. For Ulrik Olsen møtte deretter vararepresentanten Arnfinn Severin Roald.

Peter Kjeldseth Moe døydde i 1973 rett før slutten av den siste valperioden hans. Oskar Edøy møtte på Stortinget deretter.

Kjelder

Stortinget.no Biografi om Peter Kjeldseth Moe, vitja 14. desember 2009