ബുബുംഗൻ ദുവാ ബെലാസ്
| House of Twelve Roofs | |
|---|---|
ബുബുംഗൻ ദുവാ ബെലാസ് | |
 The building in 2015 | |
 | |
| അടിസ്ഥാന വിവരങ്ങൾ | |
| നിലവിലെ സ്ഥിതി | Closed |
| തരം | Historic site and residence |
| വാസ്തുശൈലി | കൊളോണിയൽ-മലയ് പ്രാദേശിക വാസ്തുവിദ്യ |
| വിലാസം | ജലാൻ റസിഡൻസി |
| നഗരം | ബന്ദർ സെരി ബെഗവാൻ |
| രാജ്യം | ബ്രൂണെ |
| നിർദ്ദേശാങ്കം | 4°52′39″N 114°57′06″E / 4.87743°N 114.95156°E |
| പദ്ധതി അവസാനിച്ച ദിവസം | ജൂലൈ 1907 |
| നവീകരിച്ചത് | Since 2015 |
| സാങ്കേതിക വിവരങ്ങൾ | |
| Material | Wood |
| മറ്റ് വിവരങ്ങൾ | |
| പാർക്കിങ് | On site |
ബുബുംഗൻ ദുവാ ബെലാസ് (പന്ത്രണ്ട് മേൽക്കൂരകളുള്ള വീട്)[1] ബ്രൂണെയിലെ ബന്ദർ സേരി ബെഗാവാനിൽ പുസാത് ബന്ദറിന് തെക്ക് നിന്ന് ഏകദേശം 1 മൈൽ (1.6 കി.മീ) അകലെയായി സ്ഥിതിചെയ്യുന്ന ഒരു കെട്ടിടമാണ്. 1907 ൽ[2] നിർമ്മിക്കപ്പെട്ടതും കൊളോണിയൽ, മലായ് പ്രാദേശിക വാസ്തുവിദ്യയുടെ മകുടോദാഹരണവുമാണ് ഈ കെട്ടിടം. ബ്രൂണെയുടെ കൊളോണിയൽ കാലഘട്ടത്തിൽ[3] 25 ബ്രിട്ടീഷ് താമസക്കാർ ഉൾപ്പെടെയുള്ള ഹൈക്കമ്മീഷണർമാർക്ക് ഔദ്യോഗിക വസതിയായി സേവനമനുഷ്ഠിച്ച ഈ കെട്ടിടം പരമ്പരാഗത മലായ് ഘടകങ്ങളും ബ്രിട്ടീഷ് കൊളോണിയൽ രൂപകൽപ്പനയുമായി അതുല്യമായ മിശ്രിതം പ്രദർശിപ്പിക്കുന്നു. ഒരിക്കൽ ഒരു പ്രധാന നയതന്ത്ര വസതികൂടിയായിരുന്ന ഈ കെട്ടിടം ഇപ്പോൾ നവീകരണത്തിനായി അടച്ചിരിക്കുന്നു, ബ്രൂണെയുടെ ഭൂപ്രകൃതിയിൽ ചരിത്രപരവും വാസ്തുവിദ്യാപരവുമായ പ്രാധാന്യം നിലനിർത്തിക്കൊണ്ടുതന്നെ അതിൻ്റെ പ്രവർത്തനപരമായ ഉപയോഗത്തിൻ്റെ ഒടുക്കത്തെ ഇത് അടയാളപ്പെടുത്തുന്നു. രാജ്യത്തെ ഏറ്റവും പഴക്കമുള്ള കെട്ടിടങ്ങളിലൊന്നാണ് ഇത് എന്നത് ശ്രദ്ധേയമാണ്.[4]
ചരിത്രം
യുണൈറ്റഡ് കിംഗ്ഡവുമായുള്ള ബ്രൂണെയുടെ ബന്ധത്തിൻ്റെ വെളിച്ചത്തിൽ ഈ ബ്രിട്ടീഷ് കോൺസുലേറ്റ് കെട്ടിടത്തിൻ്റെ ചരിത്രം 19-ാം നൂറ്റാണ്ടിൻ്റെ മധ്യത്തിൽ വരെ നീളുന്നു. ബ്രിട്ടീഷ് കോൺസൽ ജനറലായിരുന്ന സ്പെൻസർ സെൻ്റ് ജോൺ 1856-ൽ സുൽത്താൻ അബ്ദുൾ മോമിൻ്റെ ഭരണത്തിൻ കീഴിൽ ഒരു താൽക്കാലിക ഭവനം നിർമ്മിക്കുകയും അത് 1858-ൽ സ്ഥിരമായ ഒരു കെട്ടിടമായി പുതുക്കി പണിയുകയും ചെയ്തു. ക്ഷയിക്കാൻ തുടങ്ങുന്നതിനുമുമ്പ്, ഈ ഘടന ഏകദേശം മുപ്പത് വർഷത്തോളം തുടർന്നിരുന്നു.[5] 1905 ഡിസംബറിൽ സുൽത്താൻ ഹാഷിം ജലീലുൽ ആലം അഖമദ്ദീൻ ഒരു ബ്രിട്ടീഷ് റസിഡൻ്റിനെ ബ്രൂണെയിൽ പാർപ്പിക്കാൻ അനുവദിച്ചു. മാൽക്കം സ്റ്റുവർട്ട് ഹാനിബാൾ മക്ആർതർ ബ്രൂണെയിലെ ആദ്യത്തെ ബ്രിട്ടീഷ് റസിഡൻ്റായി നിയമിതനായപ്പോൾ 1906-ൽ ജീർണ്ണാവസ്ഥയിലായിരുന്ന ഈ കെട്ടിടം വീണ്ടും കണ്ടെത്തിയതിനെത്തുടർന്ന് അതേ സ്ഥലത്ത് ഒരു പുതിയ കോൺസുലേറ്റ് നിർമ്മിക്കാൻ തീരുമാനിച്ചു. 1907 ജൂലൈയിൽ തടികൊണ്ടുള്ള കെട്ടിടം പൂർത്തിയായി.[6] 1907 മുതൽ 1941 വരെയും 1946 മുതൽ 1959 വരെയും മക്ആർതറും മറ്റ് താമസക്കാരും പുതിയ റെസിഡൻസി കൈവശപ്പെടുത്തി. 1959-ൽ ബ്രിട്ടീഷ് റെസിഡൻസി അവസാനിച്ചപ്പോൾ ഈ ഘടന ബ്രിട്ടീഷ് ഹൈക്കമ്മീഷണറുടെ വസതിയായി മാറുകയും 1984-ൽ ബ്രൂണെയ്ക്ക് സ്വാതന്ത്ര്യം ലഭിക്കുന്നതുവരെ അത് തുടരുകയും ചെയ്തു.[7] വർഷങ്ങളായി ബുബുംഗൻ ദുവാ ബെലാസിൽ താമസിച്ചിരുന്ന ബ്രീട്ടീഷുകാരിൽ 1952, 1959, 1972 വർഷങ്ങളിൽ സന്ദർശനം നടത്തിയ മറീന രാജകുമാരി, ഫിലിപ്പ് രാജകുമാരൻ, എലിസബത്ത് രാജ്ഞി എന്നിവരുൾപ്പെടെ നിരവധി അറിയപ്പെടുന്ന ബ്രിട്ടീഷുകാർ ഉൾപ്പെടുന്നു.[8]
രണ്ടാം ലോകമഹായുദ്ധത്തെ അതിജീവിച്ച ഈ കെട്ടിടം 1941-ൽ ജാപ്പനീസ് സൈന്യം അവരുടെ ആസ്ഥാനമായി ഉപയോഗിച്ചിരുന്നു. ബ്രൂണെയുടെ കൊളോണിയൽ, പോസ്റ്റ്-കൊളോണിയൽ കാലഘട്ടങ്ങളിലുടനീളം, സഖ്യകക്ഷികളുടെ വ്യോമാക്രമണങ്ങളെ ചെറുത്തുനിൽക്കുകയും നശിപ്പിക്കപ്പെടാതിരിക്കുകയും ചെയ്തതിനാൽ അതിൻ്റെ ചരിത്രപരമായ മൂല്യം സംരക്ഷിക്കപ്പെട്ടുവെന്ന് പറയാം.[9] ഓസ്‌ട്രേലിയൻ സൈന്യം ബ്രൂണെയെ മോചിപ്പിച്ചതിനെത്തുടർന്ന് 1945 ജൂൺ 17-ന് ബ്രൂണെയിലേയ്ക്ക് മടങ്ങിയെത്തിയ സുൽത്താൻ അഹ്മദ് താജുദ്ദീനെ ഓസ്‌ട്രേലിയൻ 9-ാം ഡിവിഷൻ സ്‌നേഹപൂർവം സ്വാഗതം ചെയ്തു. ബുബുംഗൻ ദുവാ ബെലാസിലെ ബ്രിട്ടീഷ് ആർമി ആസ്ഥാനത്ത്, ഓസ്‌ട്രേലിയൻ മിലിട്ടറി കമാൻഡർ അദ്ദേഹത്തെ ഗാർഡ് ഓഫ് ഓണർ നൽകി സ്വീകരിക്കാനും ചായ വിളമ്പാനും ഏർപ്പാട് ചെയ്തു.[10]
ബ്രൂണെയുടെ സ്വാതന്ത്ര്യത്തെത്തുടർന്ന്, ബുബുംഗൻ ദുവാ ബെലാസ് ഒരു സാംസ്കാരിക കേന്ദ്രമാക്കി മാറ്റി. 1998-ൽ, ബ്രൂണെയും യുണൈറ്റഡ് കിംഗ്ഡവും തമ്മിലുള്ള സഹകരണത്തിൻ്റെ ഭാഗമായി, ഇത് മറ്റൊരു പരിവർത്തനത്തിന് വിധേയമാകുകയും എലിസബത്ത് രാജ്ഞി ഒരു എക്സിബിഷൻ ഗാലറിയായി ഔദ്യോഗികമായി ഉദ്ഘാടനം നടത്തുകയും ചെയ്തു. ബ്രിട്ടനുമായുള്ള ബ്രൂണെയുടെ നയതന്ത്രബന്ധത്തെ ആദരിക്കുന്ന അഞ്ച് പ്രാഥമിക ഗാലറികൾ ഘടനയ്ക്കുള്ളിൽ സ്ഥാപിക്കപ്പെട്ടു.[11] 2007-ൽ ഈ കെട്ടിടം നവീകരിച്ചുവെങ്കിലും 2013-ൽ പൊതുജനങ്ങളുടെ പ്രവേശനം നിരോധിച്ചുകൊണ്ട് അടച്ചുപൂട്ടിയ ഈ ഘടനയുടെ ഭാവി നിലവിൽ അജ്ഞാതമാണ്. 2015-ൽ അറ്റകുറ്റപ്പണികൾക്കായി അടച്ചുപൂട്ടിയതായി പറയപ്പെടുന്ന ഈ മ്യൂസിയത്തിലെ അറ്റകുറ്റപ്പണികൾ 2022-ലെ കണക്കനുസരിച്ച് പൂർത്തിയായിട്ടില്ല.[12]
അവലംബം
- ↑ Jatswan S. Sidhu (22 December 2009). Historical Dictionary of Brunei Darussalam. Scarecrow Press. p. 58. ISBN 978-0-8108-7078-9.
- ↑ Jatswan S. Sidhu (22 December 2009). Historical Dictionary of Brunei Darussalam. Scarecrow Press. p. 58. ISBN 978-0-8108-7078-9.
- ↑ "Bubungan Dua Belas needs maintenance". The Brunei Times. Archived from the original on 2016-06-16. Retrieved 2016-05-17.
- ↑ "Bubungan 12". Universiti Brunei Darussalam. Archived from the original on 2024-09-22. Retrieved 2024-09-22.
- ↑ "Bubungan 12". Universiti Brunei Darussalam. Archived from the original on 2024-09-22. Retrieved 2024-09-22.
- ↑ "Bubungan 12 - Twelve-roofed mansion". The Brunei Times. Archived from the original on 2016-06-16. Retrieved 2016-05-17.
- ↑ "Bubungan 12". Universiti Brunei Darussalam. Archived from the original on 2024-09-22. Retrieved 2024-09-22.
- ↑ "Bubungan 12". Universiti Brunei Darussalam. Archived from the original on 2024-09-22. Retrieved 2024-09-22.
- ↑ "Bubungan 12". Universiti Brunei Darussalam. Archived from the original on 2024-09-22. Retrieved 2024-09-22.
- ↑ Reece, Bob (2009). ""The Little Sultan": Ahmad Tajuddin II of Brunei, Gerard MacBryan, and Malcolm Macdonald" (PDF). Borneo Research Bulletin. 40. Borneo Research Council: 87. ISSN 0006-7806.
- ↑ Reece, Bob (2009). ""The Little Sultan": Ahmad Tajuddin II of Brunei, Gerard MacBryan, and Malcolm Macdonald" (PDF). Borneo Research Bulletin. 40. Borneo Research Council: 87. ISSN 0006-7806.
- ↑ "Museums' 5 galleries log 86,186 visitors in 1st half of 2015". The Brunei Times. Archived from the original on 2016-09-19. Retrieved 2016-09-18.