QRpedia

QRpedia

Логото на QRpedia — код за http://en.qrwp.org/QRpedia
Екранска снимка Мрежното место на QRpedia со QR-код што дава http://en.qrwp.org/QRpedia
Достапно на	повеќејазично
Создавач	Предлошка:Прост список
Адреса	qrpedia.org
Комерцијално	не
Зачленување	нема

QRpedia (изг. ку-ер педија или анг. изг. кју-ар-педија) — систем за мобилни уреди кој користи QR-кодови за давање пристап до статии од Википедија на нивниот претпочитан јазик.^[1][2][3] Ваквиот код се наменет да води до одредена еднообразна ресурсна назнака (URI), но QRpedia дава дополнителни можости. Со програмот раководи и е во сопственост на Викимедија Обединето Кралство (WMUK).

Осмислувач на QRpedia е википедијанецот Роџер Бамкин, а програмирањето го извршил Теренс Идн. Системот е претставен во април 2011 г., а денес се користи во разни музеи, галерии, зоолошки градини и други установи во Австралија, Британија, Бугарија, Германија, Естонија, Индија, Македонија, Чешка, Шпанија и САД. Изворниот код е слободно достапен за пренамена под условите на MIT-лиценцата.

Кога корисникот ќе го вчита QRpedia-кодот на неговиот мобилен уред, уредот го претвора во еднообразен пронаоѓач на ресурси (URL) користејќи го доменското име „qrwp.org“, а чија патека (конечен дел) е насловот на статијата на Википедија, па праќа барање за статијата укажана во URL-то до мрежиот опслужувач на QRpedia. Покрај ова, го утврдува и предава јазикот на кој е наместен уредот.^[4]

По ова, опслужувачот на QRpedia го користи посредник за програмирање на прилози (API) на Википедија^[1] за да утврди дали постои верзија на википедиската статија на јазикот што се користи на уредот, и ако постои, ја дава во формат соодветен за мобилни уреди.^[4] Доколку не постои таква статија, тогаш опслужувачот ги нуди расположливите јазици или пак превод со Гугл.

Вака, QR-кодот може да даде една статија на многу јазици,^[4] дури и кога установата не е во можност да направи свои преводи. QRpedia исто така води статистичка евиденција за нејзиното користење.^[4][5]

Творци на QRpedia се википедијанецот Роџер Бамкин,^[1][6] и советникот за мобилни семрежни работи Теренс Идн^[1][7], а првпат е претставена на 9 април 2011 г.^[1][8] на настанот „Зад сцената“ (Backstage Pass) во Музејот и уметничка галерија Дарби,^[1][7] како дел од соработката „ГБАМ/Дарби“ помеѓу установата и Википедија,^[9] во чиј состав се напишани и преку 1.200 статии на неколку јазици.^[10] називот на проектот е кованица од „QR (Quick Response)“ и „-педија“.^[11]

• 
  Во Музејот и уметничка галерија Дарби
• 
  Во Детскиот музеј во Индијанаполис
• 
  Керамичка табличка во Монмаут („Монмаутпедија“)
• 
  На црквата „Рождество на Пресвета Богородица“ во Прага
• 
  Во Зоолошката градина во Скопје
• 
  Табличка на столб. Галичник.
• 
  Постапка при скенирање, Скопје.

QRpedia досега е применета на повеќе места во светот:

• Детски параклис, црква „Св. Јаков“ во Сиднеј, Австралија
• Детски музеј во Индијанаполис, САД^[2][12]
• Конгресни гробишта^[13]
• Музеј и уметничка галерија Дарби, Англија^[4]
• Спорски музеј на Естонија
• Музеј „Правосудни галерии“ во Нотингем, Англија
• задолжбина „Жоан Миро“, Шпанија^[4][14] вклучувајќи гостувачка изложба во „Тејт“, Лондон^[4]
• Национален архив, Британија ^[15][16]
• Национален информатички музеј (Британија)^[17]
• Софиска зоолошка градина, Bulgaria^[18]
• градот Монмаут во Велс — проект „Монмаутпедија“.^[19]
• Црва „Св. Павле“, Бирмингем, Англија
• разни споменици во Прага (Прага 10)^[20]
• Нова уметничка галерија во Волсол, Англија
• Зоолошка градина Скопје, Македонија^[21]
• Галичник, Македонија

Во јануари 2012 г. QRpedia станала еден од четирите проекти (од 79 кандидати) прогласени за најиновативни мобилни претприемања во Британија за таа година од проектот „СМАРТ УК“, а потоа влегла и во конкуренција за Светскиот мобилен конгрес во Барселона во 2012 г.^[17]

• QR-код
• Википедија:ВикиПроект Зоо Скопје

„QRpedia“ на Ризницата ?

• QRpedia
• Проектот Qrpedia на GoogleCode
• QRpedia на Твитер
• QRpedia на викито „Досег“