Игор Михајловски
| Игор Михајловски | |
|---|---|
| Позиција | Крилен центар (како кошаркар) Тренер |
| Висина | 2,05 м |
| Тежина | кг |
| Број | 7 |
| Роден | 24 декември 1973 Куманово, СР Македонија, СФРЈ |
| Националност | Македонец |
| Проф. кариера | 1988–2003 |
| Клубови | |
| |
| Репрезентација | |
| Инфо од: 09.04.2020. | |
Игор Михајловски (24 декември 1973 во Куманово) — македонски поранешен кошаркар, репрезентативец и тренер. Тој бил тренер на Работнички.
Животопис
[уреди | уреди извор]Играчка историја
[уреди | уреди извор]Младинска кариера
[уреди | уреди извор]Со кошарка Игор Михајловски почнал да се занимава од својата дванаеста година, започнувајќи ја својата кошаркарска кариера во матичниот клуб Куманово.[1]
Професионална кариера
[уреди | уреди извор]Игор Михајловски својата професионална кариера ја започнал во КК Куманово во 1988 година. Во 1990 година се приклучил во редовите на белградски Партизан под тренерска палка на Душан Вујошевиќ , а подоцна и на проф. Александар Николиќ и Жељко Обрадовиќ со кој ги освоил државниот куп, првенството на Југославија како и европската шампионска титула во 1992 година.[1] Сезоната 1992/93, Михајловски бил даден на позајмица во Борац од Чачак. Следната сезона се преселил во МЗТ Аеродром.[1] Со МЗТ со освоил Купот на Македонија 1996 и 1997. За сезоната 1997/98 година, Игор потпишал за Годел Работнички,[1] притоа освојувајќи ја двојната круна. Следната сезона, Михајловски со Работнички ја одбранил титулата во Првенството. За сезоната 1999/00, тој се преселил во словенечка Рогла Атрас од Зрече.[1] Сезоната 2000/01 играл за португалски Порто.[1] За сезоната 2001/02, Игор се вратил во матичниот КК Куманово, со кој станал вицепрвак во домашното првенство. Во 2003 играл повторно во Португалија, овојпат во Лузитанија.[1]
Репрезентативна кариера
[уреди | уреди извор]Михајловски бил член на кошаркарска репрезентација на Македонија, кога на 30 мај 1993 година го одиграл првиот натпревар, со над 40 официјални натпревари.[2] како и учесник на Европското Кошаркарско Првенство 1999 кое се одиграло во Франција на која за првпат македонската репрезентација зазела учество на еден голем спортски настан.[1]
Тренерска кариера
[уреди | уреди извор]Михајловски е носител на тренерска ПРО-А и ФИБА лиценца за професионални кошаркарски тренери.[1]
Игор Михајловски бил селектор на македонската репрезентација за играчи до 16 години и ја водел кошаркарската школа на КК Куманово. Тој бил тренер на КК Михајловски, а во август 2014 година станал тренер на КК Куманово.[3] По поразот на домашен терен од КК Тиват во БИБЛ натпреварувањето, на 22 јануари поднесол отставка.[4][5] По оставката, останал да е само тренер на КК Михајловски.[6]
За сезоната 2016/17, Игор му станал помошник тренер на Врбица Стефанов во гевгелиски Кожув.[7] Во ноември 2016 година, поради лошите резултати Стефанов поднел оставка од тренерското место. На местото главен тренер дошол Михајловски.[8][9] Во јули 2017 година, тој повторно станал тренер на Куманово 2009.[10] На крајот на октомври 2017, Михајловски си поднел оставка како тренер на Куманово.[11][12] На почетокот на 2019 година, Михајловски станал помошник-тренер на Работнички.[13] Со Работнички, Михајловски го освоил Купот на Македонија 2019.
Успеси
[уреди | уреди извор]Играчки титули
[уреди | уреди извор]
Партизан
[уреди | уреди извор]- Европски Куп на шампиони (1) : 1991/92
- Прва југословенска лига (1) : 1991/92
- Куп на Југославија (1) : 1992
МЗТ Аеродром
[уреди | уреди извор]- Куп на Македонија (2) : 1996, 1997
Работнички
[уреди | уреди извор]- Прва македонска лига (2) : 1997/98, 1998/99
- Куп на Македонија (1) : 1998
Тренерски титули
[уреди | уреди извор] Работнички
[уреди | уреди извор]- Куп на Македонија (1) : 2019 (помошник тренер)
Наводи
[уреди | уреди извор]- ↑ 1,0 1,1 1,2 1,3 1,4 1,5 1,6 1,7 1,8 „Основач“. kkmihajlovski.mk преку web.archive.org. Архивирано од изворникот на 2011-09-10. Посетено на 2 февруари 2017.CS1-одржување: бот: непознат статус на изворната URL (link)
- ↑ „Пред 25 години Давитков, Наумоски, Блажевски, Војновиќ првпат играа за Македонија!“. gol.mk. 30 мај 2018. Посетено на 5 јуни 2018.
- ↑ „Игор Михајловски нов кормилар на Куманово“, Дневник, година XVIII, број 5536, петок, 8 август 2014, стр. 22.
- ↑ „Игор Михајловски си замина од клупата на Куманово“. ekipa.mk. 22 јануари 2015. Архивирано од изворникот на 2015-01-24. Посетено на 2015-01-22.
- ↑ „Проблеми пред куп-реваншот: Куманово без тренер, Михајловски поднесе оставка!“. sportmedia.mk. 22 јануари 2015.
- ↑ Список на одобрени играчи и службени лица - КК Михајловски - Сезона 2014/15 Архивирано на 14 октомври 2015 г. basketball.org.mk
- ↑ „Михајловски ќе му асистира на Стефанов во Кожув“. sportmedia.mk. 30 август 2016.
- ↑ „Врбица Стефанов си поднесе оставка“. sportmedia.mk. 26 ноември 2016. Посетено на 5 декември 2016.
- ↑ „Врбица Стефанов си замина од Кожув“. ekipa.mk. 26 ноември 2016. Архивирано од изворникот на 2016-11-28. Посетено на 5 декември 2016.
- ↑ „Игор Михајловски пак ќе биде тренер на Куманово“. sportmedia.mk. 6 јули 2017. Посетено на 15 јули 2017.
- ↑ „Михајловски се повлече, Куманово без „шеф"“. sportmedia.mk. 29 октомври 2017. Посетено на 29 октомври 2017.
- ↑ „Куманово бара нов тренер, Михајловски си поднесе оставка“. ekipa.mk. 29 октомври 2017. Посетено на 29 октомври 2017.
- ↑ „Игор Михајловски во Работнички, на местото на Јончевски“. basketball.mk. 3 јануари 2019. Архивирано од изворникот на 2019-02-06. Посетено на 23 јануари 2019.
Надворешни врски
[уреди | уреди извор]- Профил на Игор Михајловски на fibaeurope.com
- Профил на Игор Михајловски на turkey2010.fiba.com Архивирано на 11 септември 2014 г.