Воислав Шешељ
| Воислав Шешељ | |
|---|---|
.jpg)
| |
| Вицепремиер на Србија | |
| На должноста 24 март 1998 – 24 октомври 2000 | |
| Претходник | Драган Томиќ |
| Наследник | Небојша Човиќ |
| Лични податоци | |
| Роден(а) | 11 октомври 1954 Сараево, СР Босна и Херцеговина, СФР Југославија |
| Партија | СКЈ (1971–81) СДО (1989–90) СРП (1991–) |
| Сопружник | Весна Мудреша Јадранка Шешељ (1992–) |
| Деца | 4 |
| Установа | универзитет во Сараево универзитет во Белград |
| Професија | правник |
| Вероисповед | православен христијанин |
| Потпис | 
|
| Портал | vseselj.com |
Воислав Шешељ (11 октомври 1954 во Сараево) — српски политичар, правник, и писател. Тој е основач и претседател на крајно десничарската Српска радикална партија (СРП) од нејзиното формирање во 1991. Бил пратеник во српското собрание повеќе од десет години и четири пати се кандидирал за претседател на Србија. Во периодот 1996–1998 бил претседател на советот на општина Земун, а во периодот 1998–2000 бил вицепремиер на српската влада. Шешељ своеволно се предал на Хашкиот трибунал во февруари 2003 за судење против обвинувањата за злосторства против човештвото и прекршување на правилата на војување за време на војната во Југославија, но неговото судење почнало дури во ноември 2007.[1] Судскиот процес бил контроверзен: Шешељ штрајкувал со глад еден месец поради тоа што судот го одбил неговото барање да се брани без адвокат, потоа ги навредувал судиите и обвинителите за време на рочиштата, го откривал идентитетот на некои од заштитените сведоци, а не повикал ниту еден сведок да сведочи во негова одбрана.
По речиси 11 години минати во затворот во Шевенинген тој во ноември 2014 бил пуштен на слобода поради нарушеното здравје и се вратил во Србија.[2] Судот во март 2016 донел ослободителна пресуда во негово отсуство.[3] Шешељ себеси и поддржувачите на својата партија ги опишува како „шовинисти кои мразат Хрвати“.[4] Паравоената формација „Бели орли“ која била обвинета за воени злосторства против Хрватите за време на војната во Босна и Херцеговина била поврзана со партијата на Шешељ. Шешељ го поддржувал Слободан Милошевиќ во раните 1990-ти, а во 1998 станал вицепремиер во „владата на национално единство“ која учествувала во Косовската војна. Шешељ се залагал „голема Србија“, држава која би ја опфаќала целата територија на СФР Југославија без Словенија и северните делови од Хрватска. Тој има напишано околу 200 книги кои го содржат неговите политички размислувања и интервјуа.
Наводи
[уреди | уреди извор]- ↑ „Serb accused at war crimes trial“. BBC News. Посетено на 10 March 2016.
- ↑ Foto: Marina Lopičić,EPK. „Kristijan Priznao ŠeŠelju u oči: Trebalo je da te ubijem snajperom, atentat je naručio...“. Kurir. Посетено на 31 March 2016.
- ↑ „Trial Judgement in the case of Vojislav Šešelj delivered“. International Criminal Tribunal for the former Yugoslavia. 31 March 2016.
- ↑ Quote: "not fascists, just chauvinists who hate Croats", bbc.co.uk; accessed 3 April 2016.
Надворешни врски
[уреди | уреди извор] |
„Воислав Шешељ“ на Ризницата ? |