Борче Начев

Борче Начев
Роден	2 декември 1982 Струмица
Националност	Македонец
Познат	по улогите во Сенки Македонски народни приказни Вистинска љубов Преспав.
Занимање	глумец

Борче Начев (Струмица, 2 декември 1982) — македонски театарски, филмски и телевизиски глумец. Од 2010 година работи во Македонски народен театар во Скопје.

Борче Начев е роден на 2 декември 1982 година во Струмица. Дипломирал на Факултетот за драмски уметности во Универзитетот „Св. Кирил и Методиј“, на отсекот за глумечка игра во класата на Владо Цветановски во 2007 година. Вработен е во Македонскиот народен театар од 2010 година.^[1]

• „Јонадаб“ од Питер Шефер, р. Дејан Пројковски, НУ Драмски театар - Скопје, 2003.
• Купер Џонс — „Сцени од животот“ од Овен мек Каферти, р. Филип ле Моан, МНТ, 2004;
• Перо ѕидарот — „Големиот смок“ од Митко Маџунков, р. Горан Тренчовски, НТ „Антон Панов“ - Струмица, 2005;
• Константин, Црна Арапина — „ММЕ кој прв почна“ од Дејан Дуковски, р. Владо Цветановски, НУ Драмски театар - Скопје, дипломска претстава, 2007;
• „Македонски рулет“ од Љубиша Георгиевски, р. Сашо Миленковски, Драмски театар - Скопје, 2007;
• „Соларис-мултимедијален проект“ од Златко Славенски, МНТ, 2007;
• Филип — „Големите очекувања“ од Ана Ристовска, р. Јован Ристовски, МНТ, 2007;
• Селанец — „Сите лица на Петре М. Андреевски“, р. Владо Цветановски, Драмски театар - Скопје, мултимедијален проект, 2008;
• Помет — „Дундо Марое“ од Марин Држиќ, р. Драгана Милошевски-Попова, МНТ, 2008;
• Базил, месарот, Бегалецот, Војникот, Инспекторот, Стражарот, Новинарот — „Фигаро се разведува“ од Еден фон Хорват, р. Куштрим Бектеши, МНТ, 2008;
• Пациент — „Мара/САД“ од Питер Вајс, р. Васил Христов, МНТ, 2008;
• Иви — „Лет во три глави“ од Загорка Поп-Антоска Андовска, р. Никола Ристов, МНТ, 2009;
• г. Нинковиќ, државен секретар во МНР — „Госпоѓа министерка“ од Бранислав Нушиќ, р. Наташа Поплавска, МНТ, 2009;
• Троил — „Троил и Кресида“ од Вилијам Шекспир, р. Љубиша Ристиќ, МНТ, 2010;
• Даскал Наум, Комитата — „Суд“ од Коле Чашуле, р. Љупчо Ѓоргиевски, 2010;
• Јохан, неуспешен студент по филозофија, ботаничар — „Спиноза“ од Гоце Смилевски, р. Зоја Бузалковска, Драмски театар - Скопје, 2010;
• Миле — „Слепи птици“ од Јани Бојаџи, р. Јани Бојаџи, НУЦК „Антон Панов“ - Струмица, 2010;
• Атанас — „Немој ти мене Фауст“ од Срѓан Јаниќијевиќ, р. Срѓан Јаниќијевиќ, МНТ, 2010;
• „Копнеж по целина“ од Матеја Матевски, р. Ристо Алексовски, МНТ, 2011;
• Иван Шатов — „Бесови“ од Фјодор Михајлович Достоевски според Албер Ками, р. Златко Славенски, МНТ, 2011;
• Сегизмундо — „Животот е сон“ од Педро де ла Барка Калдерон, р. Владо Цветановски, МНТ, 2012;
• Ролен, славен поет — „Подемот и падот на кабарето“ од Артур Шницлер, р. Владимир Милчин, МНТ, 2013;
• Јаша, млад лакеј — „Вишновата градина“ од Антон Павлович Чехов, р. Трајче Ѓоргиев, МНТ, 2013;
• Бохумил Зелински — „Вечната куќа“ од Јордан Плевнеш, р. Дејан Пројковски, МНТ, 2013;
• Агамемнон, Еврипид — „Електра“ од Есхил, Софокле, Еврипид и Жан Пол Сартр, р. Андриј Жолдак, МНТ, 2014;
• Дедо Тил — „Сината птица“ од Морис Метерлинк, р. Златко Славенски, МНТ, 2014;
• Леарт — „Аферата Елсинор“ од Љубиша Георгиевски, р. Љубиша Георгиевски, МНТ, 2014;
• Четвртиот маж — „Тероризам“ од Владимир и Олег Пресњаков, р. Јордан Симонов, МНТ, 2015;
• „Викај ги среќа“, р. Златко Славенски, 2016;
• Спиро — „Прекината одисеја“ од Роберт Урбањски, р. Јацек Гломб, МНТ и Театар „Хелена Моджејевска“ (Полска), 2016;
• Духовникот — „Силјан штркот шанца“ од Дејан Дуковски, р. Срѓан Јаниќијевиќ, МНТ, 2016;
• Мирза, босанскиот камп и камерманот на СНН — „Ничија земја“ од Данис Тановиќ и Александар Морфов, р. Александар Морфов, МНТ, 2017;
• Кирил — „Дух“ од Дејан Дуковски, р. Срѓан Јаниќијевиќ, МНТ, 2018;
• Доктор — "Бесачи" од Мартин Мекдона, р. Јавор Грдев, МНТ, 2019;
• Рос — „Макбет“ од Вилијам Шекспир, р. Нела Витошевиќ, МНТ, 2019;
• 40 разбојници/7 џуџиња — "Хенгинг Араунд" од Љупчо Јованов, р. Бојан Трифуновски, МНТ, 2024.

„Борче Начев“ на Ризницата ?

• Борче Начев на Семрежната филмска база на податоци (англиски)

• Биографија на Борче Начев, Македонски народен театар.