Cocoseilandj

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

Cocoseilandj (Sjpaans: Isla del Coco) is 'n ónbewoond eilandj in de Groten Oceaan, gelaenge op viefhóngerd kilomaeter van de kus van Costa Rica, wotoe 't ouch beheurt. 't Haet 'n oppervlakde van 24 veerkantje kilomaeter en ligk op de Cocosrögk. 't Is ouch 't ènsigste sjtök aan landj det op de nao 't eilandj verneumde Cocosplaat ligk. 't Eilandj mót me neet verwarre mit de Cocoseilenj die bie Australië ligke.

't Eilandj is bekènd vanwaenge pirate, worónger Henry Morgan en Edward Davis, die hie sjatte zówwe höbbe begrave. Volges sómmige haet 't ouch gedeend es inspiratiebrón veur Robinson Crusoë.

't Eilandj is e nasjenaal park en waerde in 1997 erkènd es waereldirfgood.

Veur adminisjtratieve raejene weurt Cocoseilandj tót de pervincie Puntarenas geraekend.