Wikipedia:Bürokraten

E Bürokrat ass en Administrateur, deen doriwwer eraus nach eng Rei Verwaltungsaufgaben an der Wikipedia iwwerholl huet.

E Bürokrat huet net nëmmen déi erweidert Geschirkëscht vun engem Admin, mä nach e puer Spezialgeschirer fir seng Verwaltungsaufgaben z'erfëllen:

• Administrateur- a Bürokraterechter u Benotzer verginn, déi virdru fir dee Poste kandidéiert hunn a vun der Communautéit gewielt goufen. Engem Benotzer déi Rechter ewechhuele kann e Bürokrat awer net, dofir muss e Steward agräifen.

• Wann e berechtegte Grond virläit, da kann e Bürokrat e Benotzernumm änneren. Sou e Grond kann z. B. e beleidegende Benotzernumm sinn oder een, deen d'Marken- oder Perséinlechkeetsrechter vun Drëtte mëssuecht. No enger Diskussioun bannent der Communautéit kënnt et an sou engem Fall zu enger Zwangsëmbenennung.

• E Bürokrat erdeelt an entzitt och no den internen Direktiven de Botstatus u/vu Benotzerkonten, iwwer déi Computerprogrammer oder Skripte lafen, déi hire Bedreiwer stupid a langweileg Aufgaben ofhuelen, wéi z. B. heefeg Tippfeeler verbesseren.

E Benotzer, dee schonn zum Admin gewielt gouf, kann als Bürokrat kandidéieren. Déi aner Benotzer stëmmen dann iwwer déi Kandidatur of. Eng kleng Wikipedia kënnt mat ee bis zwee Bürokraten aus. Aktive Bürokrat op der lëtzebuergescher Wikipedia ass momentan nëmmen de Robby.

Kuckt [1] fir déi aktuell Lëscht vun alle Bürokraten.