Section des sciences naturelles, physiques et mathématiques (Institut grand-ducal)

D'Section des sciences naturelles, physiques et mathématiques, d'Nofollgerin vun der Société des sciences naturelles, ass eng vun de Sektioune vum Institut grand-ducal.

D'Sektioun besteet 2010 aus ronn 200 Memberen, dovun 31 membres effectifs, ronn 140 membres correspondants a ronn 30 membres d'honneur.^[1]

D'Sektioun gëtt an onreegelméissegen Ofstänn eng wëssenschaftlech Zäitschrëft mat originelle Fuerschungsaarbechten eraus, dat ënner dem Titel Archives des Sciences Naturelles, Physiques et Mathématiques (sic fir d'Schreifweis). Déi zwéi lescht Bänn sinn 2002 an 2010 erauskomm. (Bis 2002 war den Titel: Archives de l'Institut grand-ducal de Luxembourg, section des sciences naturelles, physiques et mathématiques).^[2].

D'Sektioun organiséiert all Joer ee bis zwéi Konferenzzyklen, dovun zanter 1996 en Zyklus mam Titel Les chercheurs luxembourgeois à l'étranger.

2010 huet d'Sektioun hiren éischte wëssenschaftleche Präis (Grand Prix) verginn.

Et ass virgesinn dëse Präis am Turnus an de Beräicher vun der Physik (2010, Prix Paul Wurth), der Mathematik (2011, Prix de la Bourse de Luxembourg), der Geologie (2012, Prix Feidt), der Biologie (2013, Prix Cactus) an der Chimie (2014, Prix Christiane Widung-Metz et section des sciences) ze verginn. De Präis geet u Wëssenschtler déi zu Lëtzebuerg gebuer sinn oder zu Lëtzebuerg schaffen. De Präisdréier gëtt vun enger internationaler Jury erausgesicht.

Den éischte Präis gouf offiziell den 21. November 2010 dem Physiker Jean-Pierre Hansen iwwerreecht.^[3]

D'Société des sciences naturelles ass duerch Arrété royal grand-ducal vum 3. Dezember 1850 offiziell gegrënnt ginn. Hire President gouf de Jean Boch-Buschmann (1782-1856).

D'Société des sciences naturelles ass 1868 d'Section des sciences naturelles et mathématiques vum deemools nei gegrënnten Institut royal grand-ducal, deem haitegen Institut grand-ducal ginn.

Den Numm vun der Section des sciences naturelles et mathématiques gouf op Section des sciences naturelles, physiques et mathématiques geännert. Den neien Numm steet zanter 1906 op de Publikatiounen.

• Jean-François Boch-Buschmann (1850-1857)
• Auguste Dutreux (1858)
• Jean-Pierre André (1859-1861)
• Charles-Frédéric Mersch (1862-1869)
• François Reuter (1870-1906)
• Auguste Mullendorff (1907-1909)
• François de Colnet d'Huart (1910-1923)
• Edmond J. Klein (1923-1940)
• Jean Koppes (1945-1956)
• Alphonse Willems (1957-1963)
• Robert Stumper (1963-1975)
• Paul Metz (1976-1983)
• Jacques Bintz (1983-1997)
• Pierre Seck (zanter 1998).

• Massard, Jos. A. (2000): Les origines de la Section des Sciences de l'Institut grand-ducal. In: Institut grand-ducal, Section des sciences naturelles, physiques et mathématiques, 1850-2000: Les sciences à l'aube du 21e siècle. Cycle de conférences du 12 octobre au 21 décembre 2000 au Centre Universitaire de Luxembourg. Luxembourg: 10-20.[1]

• Homepage vun der Section des sciences vum IGD.
• Arrété royal grand-ducal du 3 décembre 1850, autorisant la constitution définitive d'une Société de sciences naturelles dans le Grand-Duché.
• Arrêté royal grand-ducal du 24 octobre 1868, portant approbation du règlement pour l'Institut royal grand-ducal de Luxembourg.

1. ↑ Cf. Lëscht vun de Memberen op der Websäit vun der Sektioun. Stand November 2010.
2. ↑ Cf. Den Deckel vum Band 45 (nouvelle série) vun 2010, wou deen neien an deen alen Numm stinn.
3. ↑ LW vum 23. November 2010, S. 12.