Lurchen

Lurchen
Panthermouken
Systematik
Räich: Déiereräich Stamm: Chordata Ënnerstamm: Wierbeldéieren Iwwerklass: Landwierbeldéieren Klass: Lurchen
Wëssenschaftlechen Numm
Amphibia „Gray“ 1825
Uerdnungen
Fräschelurchen Schwanzlurchen Schläichlurchen

D'Lurchen, och nach Amphibië genannt, sinn eng Klass vun de Wierbeldéieren (Vertebrata) mat ronn 6200 bekannten Aarten.

Hire wëssenschaftlechen Numm kënnt vum griicheschen ἀμφί, amphi = op béid Säiten an βίος, bios = Liewen. Dëst kënnt dohier well d'Larven, oder Kauzekäpp vun deene meeschte Lurchen am Waasser liewen, duerno awer, no enger Metamorphos, d'Waasser verloosse fir um Land ze liewen.

Vill erwuesse Lurche liewen awer weider souwuel am Waasser wéi um Land. Alleguer musse s'op fiichte Plaze liewen, fir hire Kierper virun ze groussem Waasserverloscht ze schützen.

• Uerdnung Schwanzlurchen (Caudata)
  • Iwwerfamill Risesalamanderen (Cryptobranchoidea)
  • Iwwerfamill Armmolchen (Sirenoidea)
  • Iwwerfamill Salamanderdéieren (Salamandroidea)
• Uerdnung Fräschelurchen
  • Iwwerfamill Echt Mouken (Bufonoidea)
  • Iwwerfamill Enkmaulfräschen (Microhyloidea)
  • Iwwerfamill Echt Fräschen (Ranoidea)
• Uerdnung Schläichlurchen
  • Iwwerfamill Primitiv Schläichlurchen
  • Iwwerfamill Méi héich entwéckelt Schläichlurchen
  • Iwwerfamill Héich entwéckelt Schläichlurchen

Rezente Recherchen no, kommen zu Lëtzebuerg 13 Lurchenaarte vir.

• Schwanzlurchen
  • Salamandra salamandra Feiereps, Gepäipelte Mill
  • Triturus alpestris Gemeng Waasserederes, Waassereps
  • Triturus cristatus Grouss Waasserederes, Grouss Waassereps
  • Triturus vulgaris Kleng Waasserederes, Gespiirpelt Eps
  • Lissotriton helveticus Fuedem-Eps
• Fräschelurchen
  • Alytes obstetricans Klenkert, Sandmouk
  • Bombina variegata Onk
  • Bufo bufo Feldmouk, Gaardemouk
  • Bufo calamita Kleng Mouk
  • Hyla arborea Heckefräsch, Wiederfräsch
  • Rana lessonae
  • Rana kl. esculenta Waasserfräsch
  • Rana temporaria Bronge Fräsch

Proess, R. (éd.), 2003. Verbreitungsatlas der Amphibien des Großherzogtums Luxemburg. Ferrantia. Travaux scientifiques du Musée national d'histoire naturelle de Luxembourg 37: 1-85.

Commons: Amphibia – Biller, Videoen oder Audiodateien