Eemer

D'Versioun fir erauszedrécke gëtt net méi ënnerstëtzt a ka Feeler an der Duerstellung hunn. Aktualiséiert wgl. d'Lieszeechen an Ärem Browser a benotzt d'Standard Funktioun fir ze drécken an Ärem Browser.

En Eemer ass e waasserdichten, vertikalen huelen Zylinder, deen och d'Form vun enger ofgeschniddener Keel kann hunn, deen uewen op ass an deen zum dacksten e flaache Buedem huet. En déngt dozou, Flëssegkeeten oder och alt fest, éischter reng Matièren, ze transportéieren. Meeschtens ass eng labber Hänk drun, fir e besser ze droen, an och, fir e méi einfach ausschëdden ze kënnen.

Eemere gouf et der schonn an der Steenzäit, fir Waasser ze transportéieren. Si ware fréier aus Holz oder Lieder, méi spéit aus Metall, a sinn haut dacks aus Plastik.

E modernen Eemer huet gewéinlech e Faassungsvolume vu ronn 10 Liter.

D'Wuert Eemer kann een etymologesch iwwer Mëttelhéichdäitsch e(i)nber, e(i)mber, Alhéichdäitsch eimpar als Léinwuert vum laténgeschen amphora ("Krou mat Grëffer") zeréckféieren.

Um Spaweck

Commons: Eemeren – Biller, Videoen oder Audiodateien