donasti

class.

• Quid ergo? Oro te, non dicis: “Filium mihi donasti, et, si hic perisset, victurus non fui”? Pro eius vita beneficium non debes, cuius vitam tuae praefers? Etiamnunc, cum filium tuum servavi, ad genua procumbis, dis vota solvis tamquam ipse servatus; illae voces exeunt tibi: “Nihil mea interest, an me servaveris; duos servasti, immo me magis.” Quare ista dicis, si non accipis beneficium? —De beneficiis Senecae ^[1][2]

saec. I.  (ca. 85–102 p.C.n.)

• Donasti, Lupe, rus sub urbe nobis;

Sed rus est mihi maius in fenestra.

Rus hoc dicere, rus potes vocare?

In quo ruta facit nemus Dianae,

Argutae tegit ala quod cicadae,

Quod formica die comedit uno,

Clusae cui folium rosae corona est;

In quo non magis invenitur herba,

Quam Cosmi folium piperve crudum;

In quo nec cucumis iacere rectus

Nec serpens habitare tota possit. —Epigrammata M. Valerii Martialis ^[3][2]