Tony Benn

Anthony Neil Wedgewood "Tony" Benn (3 mis Ebryl 1925 – 14 mis Meurth 2014) o politiger Lavur Predennek hag o Esel Senedh a 1950 ha 2001, hag menyster Cabinet yn governansow Harold Wilson ha James Callaghan yn 1960s ha 1970s.

Benn a waynyas is-etholans a'n 30 mis Du 1950, rag an esedh Brystow Soth-Est. Dres an 1950ow, y wel politek o kres-an-fordh, po tamm deghowbardh-medhel. Pan verwis y das yn 1960, Benn a heryas y ditel, mes ynwedh y teu ha bos difennys (avel esel Chi Arlydhi) a gemeres y esedh yn Chi Kemmynyon. Benn a gaskyrghas may fo bos chanjys an lagh, hag a veu chanjys gans Reyth Peerage 1963.^[1]

Yn governans (1964-1970)

Ev a sodhas avel Mester Post Kemmyn, may hworwelas igorans Tour Sodhva Post yn Loundres (y'n eur na an hirra drehevyans y'n RU), gwruthyl gonis Kyttrin Post ha Girobank. Ev a avonsyas dyllans stampow heb penn an sovren, mes y vetyas orth enebieth an myghternes. Benn a wari rann y'n displegyans Concorde hag ev ow sodha avel Menyster Teknelogieth.

Wosa bos Lavur fethys yn etholans 1970, Benn a gaskyrghis warbynn governans eseleth Kemeneth Erbysek Europa (a dho diwettha Unyans Europa).

Yn governans (1974-1979) Yn governans Lavur 1974, Benn o Skrifennyas Stat Diwysyans.

1980s

Den a vri a'n dheghowbarth parti Lavur pan esa yn enebieth yn 1980s, ha'n hanow gwann 'Bennite' a dho ha bos usys avel nebonan gwreydhyel ha'n askel-dheghow y boliciow.^[2]

Bewnans diwettha ha'y mernans

Ha'y wreg a godhas klav, ev a omdennas dhyworth Chi a'n Gemmynagoryon yn 2001.^[3] Ev a sodhas avel Lewydh Keskowethyans Hedhi an Vresel, ow kaskyrghes erbynn goryskynnans Afghanistan 2001 hag Irak 2003. Ev a vetyas gans Saddam Hussain nebes seythunyow kyns an goryskynnans.^[4] Ev a dheuth ha bos aswonnys a'y resegva areth.

Ev a verwis 14 mis Meurth 2014.^[5]

Devynnow

↑ The London Gazette: niv. 43072. f. 6534. 2 Est 1963.
↑ Renton, Dave (Hwevrer 1997). "Does Labour's Left Have an Alternative?". Socialist Review. Daskevys 2 Me 2010.
↑ Younge, Gary (20 Gortheren 2002). "The stirrer". The Guardian. Daskevys 16 Meurth 2014.
↑ "Full text of Benn interview with Saddam". BBC News. 4 Hwevrer 2003. Daskevys 3 Me 2010.
↑ Anderson, Steve (14 Meurth 2014). "Tony Benn dead: Veteran Labour politician passes away aged 88". The Independent. Daskevys 14 Meurth 2014.

[1] The London Gazette: niv. 43072. f. 6534. 2 Est 1963.

[2] Renton, Dave (Hwevrer 1997). "Does Labour's Left Have an Alternative?". Socialist Review. Daskevys 2 Me 2010.

[3] Younge, Gary (20 Gortheren 2002). "The stirrer". The Guardian. Daskevys 16 Meurth 2014.

[4] "Full text of Benn interview with Saddam". BBC News. 4 Hwevrer 2003. Daskevys 3 Me 2010.

[5] Anderson, Steve (14 Meurth 2014). "Tony Benn dead: Veteran Labour politician passes away aged 88". The Independent. Daskevys 14 Meurth 2014.

[1]