25 қараша - Украина ҰҒА-ның демографиялық институты аштық кезінде қырылғандар туралы жаңа деректерінде 1932-34 жылдарында қаза тапқандар саны бойынша Қазақстан бірінші орында тұрғандығын хабарлаған.
26 қараша - Қазақтың көрнекті ақыны, Қазақстанның Халық жазушысы Мұзафар Әлімбаев 95 жасқа қараған шағында өмірден озды.
30 қараша - Алматыдағы басты көшелердің бірі Фурманов көшесін "Қазақстан Республикасы Тұңғыш президенті - Нұрсұлтан Әбішұлы Назарбаев" деп атау туралы шешім шығарылды.
4 желтоқсан - Қазақстан Денсаулық сақтау министрлігі «Қазпоштамен» бірлесе отырып пациент үйіне дейін адресті жеңілдікті дәрі-дәрмекті жеткізуді қамтамасыз ету жүйесін енгізуді қолға алды.
7 желтоқсан - ЮНЕСКО-ның Материалдық емес мұраны қорғау Үкіметаралық комитетінің 12-ші сессиясында Қазақстанның «Қазақ дәстүрлі асық ойыны» өтінімі адамзаттың материалдық емес мәдени мұрасының тізіміне енгізілді.
14 желтоқсан - 2018 жылдан бастап барлық жедел жәрдем көліктері ҚР Денсаулық сақтау министрлігінің бұйрығымен бекітілген бірыңғай стандарттарға сәйкес, лимон түске боялып, жарық шағылыстыратын қызғылт элементтері болады.
17 желтоқсан - "Қыз Жібек" фильміндегі Төлеген рөлімен көпшіліктің жүрегін жаулаған белгілі кино және театр актері, Қазақстанның халық артисі Құман Тастанбеков өмірден озды.
