Самал Абайқызы Төлеубаева
Самал Абайқызы Төлеубаева (1973 жылы 23 шілдеде туған, Целиноград) – қазақстандық аудармашы-синхронист, арабтанушы, фарабитанушы. Филология ғылымдарының докторы.
Өмірбаяны
1973 жылы 23 шілдеде Целиноградта дүниеге келген. 1998 жылы Марокконың Фес қаласындағы Сиди Мұхаммед бен Абдиллах университетін бітірді. Мамандығы – араб тілі мен әдебиеті.
- 1998 жылдан 1999 жылға дейін – Еуразия университетінің Қазақ тілі кафедрасының оқытушысы;
- 1999 жылдан 2000 жылға дейін – ЕҰУ халықаралық қатынастар факультетінің Шығыстану кафедрасының оқытушысы, аға оқытушысы, доценті;
- 2009 жылдан 2010 жылға дейін – ЕҰУ аймақтану кафедрасының доценті;
- 2010 жылдан 2015 жылға д��йін – ЕҰУ Шығыстану кафедрасының меңгерушісі,
- 2015 жылдан бастап – ЕҰУ Шығыстану кафедрасының профессоры.
Аудармашы-синхронист ретінде Қазақстанның тұңғыш президенті Нұрсұлтан Назарбаевпен[1], Қазақстан президенті Қасым-Жомарт Тоқаевпен[2], Сенат төрағасы Мәулен Әшімбаевпен[3] жұмыс істеді.
Ғылым
Фарабитанушы. 150-ден астам еңбек жазды, оның ішінде 1 монография, 3 оқу құралы, 3 аударма, 30-ға жуық мақала жарияланды.