გიორგი ხიდეშელი

გიორგი ხიდეშელი

ეროვნული ნაკრების შემადგენლობაში
პირადი მონაცემები
სრული სახელი	გიორგი ხიდეშელი
დაბადების თარიღი	23 იანვარი, 1988 (1988-01-23) (36 წლის)
დაბადების ადგილი	თბილისი, საქართველო
სიმაღლე	189 სმ
სათამაშო პოზიცია	მცველი
საკლუბო ინფორმაცია
მიმდინარე კლუბი	ლოკომოტივი თბილისი
ნომერი	15
პროფესიონალური კარიერა*
წლები	გუნდი	მატჩი	(გოლი)
2004–2005	სკ თბილისი	2	(0)
2005–2006	ზესტაფონი	19	(1)
2006–2007	კახეთი თელავი	12	(0)
2007–2013	ზესტაფონი	114	(7)
2013	ტორპედო ქუთაისი	7	(1)
2014	დინამო თბილისი	11	(0)
2014–2015	ზესტაფონი	1	(1)
2015	დილა გორი	2	(0)
2015–2018	ლოკომოტივი თბილისი	41	(4)
ეროვნული ნაკრები‡
2011	საქართველო 21 წლ.	15	(1)
2005–2013	საქართველო	6	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 17 სექტემბერი, 2015 ‡ ეროვნული ნაკრების მატჩი და გოლი ბოლოს განახლდა: 27 იანვარი, 2015

გიორგი ხიდეშელი (დ. 23 იანვარი, 1988, საქართველო) — ქართველი ფეხბურთელი, თბილისის „ლოკომოტივის“ მცველი. გამოდიოდა საქართველოს ეროვნული ნაკრების შემადგენლობაში.

კარიერა საფეხბურთო კლუბ „თბილისში“ დაიწყო. შემდეგ იყო „ზესტაფონი“, სადაც მისი კარიერა სწრაფი ტემპით ვითარდებოდა, მაგრამ ჩემპიონთა ლიგის მატჩში, მოლდოვურ „დაჩიასთან“ მიღებულმა მძიმე ტრავმამ ახალგაზრდა მცველს ძალიან ბევრი დრო დააკარგვინა. მუხლის ჯვარედინი მყესების ოპერაციას რამდენიმეთვიანი პაუზა მოჰყვა. ხიდეშელის მოედანზე დაბრუნება უიღბლო გამოდგა. თბილისი „დინამოსთან“ მატჩში იგი კვლავ დაშავდა და ამჯერად უკვე გვერდითი იოგები გაუხდა საოპერაციო.^[1] ამის გამო თითქმის მთელი 2012-2013 წლების სეზონი გაუცდა. 2013-2014 წლების სეზონის დასაწყისში თავისუფალი აგენტის სტატუსით ქუთაისის „ტორპედოში“ გადავიდა.^[2] ამავე სეზონის ზამთრის სატრანსფერო ფანჯრისას იგი თბილისის დინამომ შეიძინა,^[3] სადაც გიორგიმ შეძლო თავის ძირითად შემადგენლობაში დამკვიდრება. 2013-14 წლების სეზონის დასრულების შემდეგ, ევროტურნიტებზე „დინამოს“ ცუდი გამოსვლის შემდეგ გუნდი 12-მა ფეხბურთელმა დატოვა, მათ შორის იყო გიორგი ხიდეშელიც. 2014 წლის სექტემბრიდან „ზესტაფონს“ დაუბრუნდა.^[4] სეზონის მეორე ნახევარში გორის „დილაში“ გადავიდა, თუმცა ტრავმის გამო მხოლოდ 1 მატჩის ჩატარება შეძლო, ფოთის „კოლხეთის“ წინააღმდეგ, სადაც მეორე ტაიმში შეცვალეს. 2015 წლის ზაფხულის სატრანსფერო ფანჯრისას უმაღლეს ლიგაში ახალაღზევებულ თბილისის „ლოკომოტივს“ შეუერთდა.

21 წლამდე ფეხბურთელთა ნაკრებში ჩაატარა 15 მატჩი. ეროვნულ ნაკრებში პირველად გამოიძახეს 2005 წლის 8 ოქტომბერს, ყაზახეთის წინააღმდეგ,^[5] თუმცა მოედანზე არ გამოჩენილა, შემდეგ 2008 იყო მატჩები ჩრდილოეთი ირლანიისა^[6] და ლატვიის^[7] წინააღმდეგ, სადაც ერთ შემთხვევაში თამაში ძირითად შემადგენლობაში დაიწყო და შეცვალეს, ხოლო მეორეში შეცვლაზე შევიდა. 2013 წლის 15 ოქტომბერს ესპანეთის წინააღმდეგ ჩატარებულ მატჩში^[8] გიორგი ხიდეშელი 90 წუთის განმავლობაში მოედანზე იმყოფებოდა.

• საქართველოს ჩემპიონი (3): 2010/2011, 2011/2012, 2013/2014
• საქართველოს თასის გამარჯვებული (2): 2007/2008, 2013/2014
• საქართველოს თასის ფინალისტი (1): 2011/2012
• საქართველოს სუპერთასის გამარჯვებული (2): 2011/2012, 2012/2013
• საქართველოს სუპერთასის ფინალისტი (1): 2008/2009

• პროფილი Transfermarkt-ზე (ინგლისური)
• პროფილი Soccerway-ზე (ინგლისური)
• პროფილი ლოკომოტივის ოფიციალურ საიტზე (ქართული ენა)