ბორჩალოს მაზრის მუსულმანები

ბორჩალოს მაზრის მუსულმანები — საარჩევნო სუბიექტი, რომელიც 1919 წლის თებერვალში საქართველოს დამფუძნებელი კრების არჩევნებში მე-12 ნომრად იღებდა მონაწილეობას. მათ ცენტრალურ საარჩევნო კომისიას ხუთკაციანი საკანდიდატო სია წარუდგინეს. საარჩევნო სუბიექტის საკანდიდატო სია და ბიულეტენები ძირითადად აზერბაიჯანულ და რუსულ ენაზე იყო შედგენილი, გარკვეული ნაწილი იყო ქართულადაც. საარჩევნო სუბიექტმა დაწესებული ზღვარი ვერ გადალახა და შესაბამისად მისი წევრები ვერ მოხვდნენ დამფუძნებელ კრებაში.

• პირველი საყოველთაო დემოკრატიული არჩევნები დამოუკიდებელ საქართველოში. თბილისი, 2017, გვ. 60.