გიორგი ბარნაბიშვილი

გიორგი კირილეს ძე ბარნაბიშვილი (დ. 12 იანვარი, 1917, ქ. ოდესა ― გ. 23 მარტი, 1982, თბილისი) — ქართველი ვიოლინჩელისტი და პედაგოგი. საქართველოს ხელოვნების დამსახურებული მოღვაწე, თბილისის სახელმწიფო კონსერვატორიის პროფესორი (1968). სსრკ სახელმწიფო პრემიის ლაურეატი (1952).

1939 წელს დაამთავრა თბილისის სახელმწიფო კონსერვატორია ჩელოს კლასი 1953 წლიდან იყო საქართველოს ფილარმონიის სოლისტი, 1941 წლიდან თბილისის კონსერვატორიის პედაგოგი, ჩელოსა და კონტრაბასის კათედრის გამგე (1965). 1944–1973 წლებში უკრავდა საქართველოს სახელმწიფო სიმებიან კვარტეტში, რომელმაც 1952 წელს მონაწილეობა მიიღო სიმებიან კვარტეტთა საერთაშორისო კონკურსში ქ. პრაღაში და ლაურეატის წოდება დაიმსახურა. მისი მოწაფეები იყვნენ ე. ისაკაძე, თ. გომელაური, ე. სანაძე, რ. მაჩაბელი და სხვები.

• 1952 — საქართველოს სსრ დამსახურებული არტისტი^[1]
• 1952 — სსრკ სახელმწიფო პრემია (კვარტეტთან ერთად)
• 1982 — საქართველოს სსრ ხელოვნების დამსახურებული მოღვაწე

• ტორაძე გ., ქართული საბჭოთა ენციკლოპედია, ტ. 2, თბ., 1977. — გვ. 212.
• ტორაძე გ., ენციკლოპედია "საქართველო", თბ., 1997

• გიორგი ბარნაბიშვილი — საქართველოს ბიოგრაფიული ლექსიკონი