Fallout 2

Fallout 2
დეველოპერ(ებ)ი	Black Isle Studios
გამომცემელი	Interplay Entertainment Bethesda Softworks (ციფრული)
სერია	Fallout
პლატფორმ(ებ)ი	Microsoft Windows Mac OS X
გამოსვლის თარიღი	30 სექტემბერი, 1998
ჟანრ(ებ)ი	როლური ვიდეო თამაში
რეჟიმ(ებ)ი	ერთმოთამაშიანი
რეჟისორ(ებ)ი	ტიმ კაენი კრის აველონი
პროდიუსერ(ებ)ი	ბრაიან ფარგო ფრედ ჰეთჩი
დიზაინერ(ებ)ი	კრის აველონი მეთიუ ნორტონი
პროგრამისტ(ებ)ი	ჯესი რეინოლდსი კრის ჯონსი რობერტ ჰერშტეინი
მხატვარი	გერი პლატნერი ჯეისონ ანდერსონი ლეონარდ ბოიარსკი
სცენარისტი	ტიმ კაენი სკოტ კემბელი ჯეისონ ტეილორი
კომპოზიტორი	მარკ მორგანი

Fallout 2 — ღია სამყაროს ელემენტების მქონე როლური ვიდეო თამაში, შექმნილი Black Isle Studios და გამოშვებული 1998 წელს Interplay Entertainment მიერ. მასში წარმოჩენილია ვრცელი თამაშის სამყარო და თამაშის სიუჟეტი. თამაშში გამოყენებულია იგივე მექანიკა და გრაფიკა რაც - Fallout-ში.

თამაშის მიმდინარეობა ხდება 2241 წელს Fallout-ში მომხდარი მოვლენებიდან 80 წლის შემდეგ. ის მოგვითხრობს ისტორიას Fallout-ის მთავარი გმირის შთამომავალზე და მის მისიაზე თუ როგორ უნდა გადაარჩინოს მისი პრიმიტიული ტომი შიმშილისაგან.მან უნდა მოძებნოს ეკოლოგიის აღმდგენი მანქანა სახელწოდებით "ედემის ბაღის შექმნის კომპლექტი".

80 წელი გავიდა Fallout-ის მოვლენების შემდეგ. განცალკევებული სოფელი აროიო (დაარსებული თავშესაფრიდან გამოსულების (ინგლ.Vault Dweller) მიერ) ვარდება გასაჭირში. სოფელი საჭიროებს დახმარებას. სოფლის უხუცესი აგზავნის რჩეულს უდაბნოში ომისდროინდელი ინჟინერული ტექნიკის "ედემის ბაღის შექმნის კომპლექტის" მოსაძებნად, რომელიც შეიქმნა, რათა თავშესაფრიდან გამოსულ გადარჩენილებს შეძლებოდათ ახალი სიცოცხლის შექმნა.

თამაშის ძრავი Fallout 2-ში ოდნავ გაუმჯობესებულია პირველ ნაწილთან შედარებით, რის შედეგადაც თამაშის პროცესი არაფრით არ განსხვავდება მისი წინამორბედისაგან. თუმცა თამაშის სამყარო პირველთან შედარებით საგრძნობლად გაფართოვებულია.

თამაშის მოქმედება ვითარდება კვესტების მიღება შესრულების რეჟიმში. კვესტი არის დავალება, რომელიც ჩნდება თამაშის მიმდინარეობისას ან მოცემული სხვა პერსონაჟის მიერ. Fallout 2-ში არის რამდენიმე ასეული კვესტი, თუმცა მხოლოდ ერთი არის სავალდებულო თამაშის გასასვლელად.

თავდაპირველი კვესტების შესრულება არ მოითხოვს დიდ ძალისხმევას და იგი უფრო ემსახურება მოთამაშის მომზადებას შემდგომი სიძნელეებისთვის. თავდაპირველად მთავარ გმირს ეძლევა მწირი საბრძოლო მასალა და მცირე რაოდენობით ფული. მას მიცემული აქვს პირველი დავალება და გლობალურ რუკაზე მითითებული აქვს ახლომდებარე ქალაქების ადგილმდებარეობა.

დროთა განმავლობაში, მოთამაშემ შესაძლოა მიიღოს ავტომობილი - კრიზალის ჰაივეიმენი (ინგლ.Chrysalis Highwayman). რომელიც აჩქარებს მოგზაურობას თამაშის მთლიან ტერიტორიაზე და შესაძლებელია სხვადასხვა ნივთების შენახვა საბარგულში. მისი გაუმჯობესება ხდება თამაშის მიმდინარეობისას; მაგალითად, იმ შემთხვევაში თუ მანქანას დატოვებთ უყურადღებოდ, მას გაიტაცებენ. თუმცა შესაძლებელია ავტომობილის დაბრუნება სხვადასხვა გზით - ფულის გადახდით ან ბრძოლით. მოგვიანებით Fallout: Nev Vegas-ში, რადიოაქტიურ გუბეებში აღმოჩნდება მისი ნარჩენები, როგორც ჩანს მანქანა გატაცებული იქნა რეიდერების მიერ, გააფუჭეს და შემდეგ დატოვეს იგი, ამის შედეგად თამაშში გაჩნდა პატარა ლოკაცია სახელწოდებით «ჰაივეიმანის ავარიის ადგილი».

თუმცა Fallout 2-ის თამაშის პროცესი გათვლილია ას საათამდე. შემქმნელებმა შემთხვევით ან შეგნებულად გამოცდილ მოთამაშეებს საშუალება მისცეს თამაშის ბოლომდე გასვლა სწრაფი გზით. ასეთი გასვლა შესაძლებელია 40-50 წუთში, თუმცა იშვიათად თუ გამოიყენებს ვინმე ამ გზას, გამომდინარე იქედან, რომ უპირატესობას ანიჭებენ, უბრალოდ დატკბენ თამაშის გარემოთი, თამაშის პროცესითა და სამყაროს გამოკვლევით.

ორივე სიუჟეტური ხაზის შესრულების შემდეგ მოთამაშეს შეუძლია გააგრძელოს თამაში, რის შემდეგადაც ქალაქ-თავშესაფარ ნიუ-რენოში ჩნდება ახალი შესაძლებლობები და დიალოგების ვარიანტები (ამ ჩანაფიქრის ავტორი არის კრის აველონი, რომელიც დაკავებული იყო თამაშში არსებული ქალაქების დიზაინით), ასე მაგალითად, ტულის მამას შეუძლია წიგნის მოცემა, რომელიც ყველა უნარ-ჩვევებს ზრდის 300 %-მდე და ეძლევა 15 000 გამოცდილების ქულა მისი წაკითხვის შემდეგ. წიგნის მთავარ ღირესებას წარმოადგენს ის, რომ წაკითხვის შემდეგ იგი არ ქვრება.

პირველი ნაწილისაგან განსხვავებით Fallout 2-ში დროის ლიმიტი არ არის. თამაში იწყება 2241 წლის ივლისში და ავტომატურად მთავრდება დაახლოებით 13 წლის შემდეგ თამაშის დროით. გამაფრთხილებელი სიზმრები, სადაც გელაპარაკებათ ტომის შამანი,რომელიც არ გზღუდავთ დროში. ეს უფრო არის სიუჟეტური გადახვევა იმ მოთამაშეებისთვის, რომლბსაც არ შეუძლიათ თავდაპირველად დასახული ამოცანის შესრულება - ედემის ბაღის შექმნის კომპლექტის მოძებნა. და იმ შემთხვევაში თუ თქვენ ნახავთ მას მეოთხე სიზმრამდე, აროიოში მისული მაინც აღმოაჩენთ სისხლის გუბეში მომაკვდავ ჰაკუნინს.

Fallout 2-მა მიიღო დადებითი შეფასება კრიტკოსების მიერ. ონლაინ მიმოხილველი საიტების Metacritic-სა და GameRankings-ის მიცემული ქულების საერთო მაჩვენებელი ასეთია: 86 % - 100 %-დან და 87 % - 100%-დან^[1][2]. ასევე დადებითად იქნა შეფასებული თამაშის გეიმპლეი, სიუჟეტი, როგორც ჭეშმარიტი მემკვიდრე ორიგინალური Fallout-სა, თუმცა არაკეთილმოსურნეები აკრიტიკებდნენ ბაგების გამო და გაუმჯობესებების ნაკლებობის გამო წინა ნაწილთან შედარებით. დანიელ მორისმაGamePro-დან შეაქო მოქმედებების ნაზავი, პერსონაჯის ურთიერთქმედება თამაშთან და მისი არასწორხაზოვანი სიჟეტი^[3]. IGN-მა დადებითად შეაფასა შემქმნელები ვრცელი თამაშის სამყაროსა და სცენარის გამო. Game Revolution-მა თამაში მოიწონა სიუჟეტის სიღრმის გამო, თუმცა გააკრიტიკა ინტერფეისი და გრაფიკა^[4] .

2013 წელს GamesRadar-მა Fallout 2 დაასახელა ყველა დროის საუკეთესო თამაშებს შორის 68-ე ადგილზე^[5]. იმავე წელს IGN-ის მიერ Fallout 2 დასახელებული იქნა ყველა დროის ას საუკეთესო RPG თამაშებს შორის 28-ე ადგილზე^[6]. 2015 წელს PC Gamer-მა დაასახელა ყველა დროის საუკეთესო RPG შორის 3-ე ადგილზე.

• Official website საიტზე Wayback Machine (არქივირებულია ივლისი 10, 1998)
• Fallout 2 article' the Nukapedia Fallout wiki
• Fallout 2 Portal the Vault Fallout wiki
• Fallout 2 საიტზე MobyGames
• Fallout 2 at the Internet Movie Database