Ès

Ès yaiku banyu sing mbeku.^[1] Banyu bisa beku nalika dianyeské ing suhu sakngisoré 7002273149999999999♠0 °C (7002273149999999999♠273.15 K, 7002273149999999999♠32 °F) ing tekanan atmosfer baku.^[1] Ès bisa dadi ing suhu luwih dhuwur karo tekanan kang luwih dhuwur uga, lan banyu tetep dadi cuwèran utawa gas tekan suhu -30 °C ing tekanan kang luwih endhek.^[1] Tembung "ès" dijupuk saka basa Walanda ijs amarga ing Indonésia ora tinemu ès alami.^[1] Ès ana ing alam awujud hima, udan ès, prongkolan ès, glètser, lan dharatan ès.

Ès yaiku kristal anorganik alami kang solid lan teratur, ès dianggep mineral. Nduwéni kristal kang tumata saka oksigèn atom kovalen siji kang kaiket ing atom hidrogen loro.

Ès kang tinemu ing laut dhapuré ès sagara, ès pak utawa gunung ès. Ès iku komponèn wigati ing iklim global, mligi sehubungan karo siklus banyu. Gletser lan snowpacks yaiku mekanisme panyimpenan wigati kanggo banyu tawar, kang saya suwé bisa dadi banyu. Aufeis yaiku lapisan ès kang kadhapur ing kutub lor lan lembah kali subartic. Ès uga bisa mirib stalaktit saka tampilané utawa kaya staklagmit kaya wujud tètèsan banyu.

Salju kristal kadhapur nalika ana tètèsan awan kang anyes banget(sakiwa-tengené 10 pM diameter) beku. Tetesan iki bisa tetep cair ing temperatur kang luwih endhek saka -18 °C (0 °F), amarga kanggo dibekukake.^[2]

Ès saiki akèh diprodhuksi, nanging sadurungé ana kulkas ès dipanen ing panggonan kang ana ès alaminé.

Ès wis suwé dicap dadi piranti kanggo ngademaké. Tekan saiki, ing gedung Parlemen Honggari digunakaké ès panen saka tlaga Balaton kanggo ngademake ruangan. Icehouses minangka nyimpen ès ing mangsa dingin,lan kanggo gawé ès setaun, lan awal kulkas iku dijenengi icsboxes amarga ing jeroné ana balok es.

Ès saiki diprodhuksi ing skala indhustri, kanggo kaperlon nyimpen panganan lan pangolahan panganan, indhustri kimia, penyampuran beton lan perawatan, lan ès kemasan. Produsen lumrahé mroduksi telung jinis ès fragmentaris: serpihan, tabung lan piring. Ès uga diprodhuksi kanggo panganan kaya ta ès krim, ès buah, ès pisang ijo, ès lilin lan sapiturute.