Taman Nasional Ujung Kulon

Sana Warisan Donya UNESCO

Taman Nasional Ujung Kulon
Janeng ing Pratélan Warisan Donya
Jinis	Alam
Wewaton	vii, ix
Rujukan	608
Tlatah UNESCO	Asia-Pacific
Sujarah prasasti
Prasasti	1991 (Sési 15th)

Taman Nasional Ujung Kulon kuwi dumunung ing pucuk kulon Pulo Jawa, Indonésia. Taman iki klebu klompok pulo vulkanik Krakatau lan pulo liyané klebu Handeuleum lan Peucang. Taman iki nyakup wewengkon kang jembaré 1,206 km² (443 km² segara), akèh-akèhé dumunung ana ing semenanjung ana ing pinggiré Samudra Hindia.

Taman iki minangka taman nasional Indonesia kang ditampa déning UNESCO minangka Situs Warisan Donya ing taun 1992 amarga paling akèh ngandhut sisa-sisa alas udan tropis ing Pulo Jawa. Taman iki uga salah siji saka loro papan panggonan konsèrvasi kéwan kang wis mèh punah, yakuwi badhak Jawa utawa Javan Rhinoceros. Populasiné mung watara 50 nganti 60 kang ana ing Ujung Kulon, déné populasi kang luwih sethithik mbokmanawa kari 10 utawa kurang, manggon ana ing Cat Tien National Park, Viètnam. Asalé, bagéan dharatan utama Ujung Kulon awujud tanah tetanèn kang rusak déning jeblugan Gunung Krakatau ing taun 1883, sabanjuré bali manèh dadi alas.

Idin kanggo mlebu tlatah iki bisa dijupuk ing kutha Labuan, ana ing kantoré Taman Nasional lan ing Tamanjaya. Ing tlatah iki uga akomodasi kang dumunung ing Pulo Handeuleum lan Pulo Peucang.

• Dhaptar Taman Nasional ing Indonésia
• Geografi Indonésia

• Ujung Kulon National Park at UNESCO World Heritage website.