Ngupat

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa.

Ngupat (Aksara Jawa: ꦔꦸꦥꦠ꧀)utawa ngupati iku upacara adat kang dianakaké wektu calon ibu mbobot 4 sasi. Tembung "ngupat" asalé saka tembung papat (4) utawa kupat. Ancasé upacara adat iki kanggo kaslametané calon bayi lan ibuné utawa kanggo kang sifaté tolak bala dadi padha karo upacara adat mitoni. Sing radha bedha karo upacara adat meteng liyané ya iku ana sajian kupat ing kendhuren ngupati, kupat iki uga disertakaké ing bèsèk kang digawa bali undangan kang hadir.

Ngupat sajatiné kanggo pralambang yèn jabang bayi wis lumebu ning tahap kaping papat ning prosès pangriptané manungsa.

Upacara adat ngupat kudu diadani ning dina kang apik miturut petungan dina Jawa.