There are no
reviewed versions of this page, so it may
not have been checked for adherence to standards.
Gaius Valerius CatullusCarmina00
Passer, deliciae meae puellae,
quicum ludere, quem in sinu tenere,
cui primum digitum dare appetenti
et acris solet incitare morsus, 5
cum desiderio meo nitenti
carum nescio quid lubet iocari
et solaciolum sui doloris,
credo ut tum grauis adquiescat ardor:
tecum ludere sicut ipsa possem 10
et tristis animi levare curas!
• • • • • • • •
Tam gratum est mihi quam ferunt puellae,
pernici aureolum fuisse malum,
quod zonam soluit diu ligatam.