Sveitarfélög Íslands
Sveitarfélög á Íslandi eru svæðisbundnar stjórnsýslueiningar sem sjá um ýmsa þjónustu við íbúa sína á borð við sorphirðu, almenningssamgöngur, rekstur grunnskóla og leikskóla, félagslega aðstoð, þjónustu við fatlað fólk og aldraða o.s.frv. Stjórnir sveitarfélaganna eru kosnar í almennum kosningum meðal íbúanna á fjögurra ára fresti.
Fjöldi sveitarfélaga hefur verið nokkuð breytilegur í gegnum tíðina. Lengst framan af tíðkaðist að laga stærð hreppanna að fólksfjöldabreytingum með því að skipta upp fjölmennum hreppum og sameina þá fámennu. Þeim fjölgaði allnokkuð á seinni hluta 19. aldar og fyrri hluta hinnar 20. í samræmi við fólksfjöldaþróun í landinu. Einnig var algengt að hreppum væri skipt upp vegna ólíkra hagsmuna þéttbýlisstaða og sveita. Flest urðu sveitarfélögin 229 um miðja 20. öld. Frá og með 9. áratugnum var farið að leggja áherslu á sameiningu sveitarfélaga til að auka hagkvæmni í rekstri þeirra og bæta þjónustu.
Sveitarfélögin eru nú 62, sjá lista yfir þau öll í röð eftir mannfjölda eða flatarmáli.
Sjá einnig allsherjarlista yfir íslensk sveitarfélög fyrr og síðar.
Tenglar
[breyta | breyta frumkóða]- Samband íslenskra sveitarfélaga - Sveitarfélögin
- Hagstofa Íslands - Sveitarfélög og byggðakjarnar
- Upplýsingar um íslensk sveitarfélög hjá Landmælingum Íslands Geymt 26 maí 2014 í Wayback Machine
